Home Eume A Capela A Xunta avanza que investirá 1,1 M€ na ampliación da supreficie pública...

A Xunta avanza que investirá 1,1 M€ na ampliación da supreficie pública do Parque Natural Fragas do Eume

- Anuncio -

— Ángeles Vázquez explica que o Goberno galego xa ten localizadas preto de 800 parcelas, cuxa compra se negociará cos respectivos propietarios para, unha vez mercados, realizar actuacións de conservación e restauración

— O Diario Oficial de Galicia publica hoxe o Plan de uso e xestión deste espazo natural, cuxo proceso de elaboración foi “moi consensuado e participado

— A día de hoxe, é unha das mostras máis importantes dos bosques sublitorais galegos e un dos poucos bosques atlánticos ben conservados de Europa

A Xunta de Galicia destinará 1,1 M€ de fondos Next Generation para ampliar a superficie pública do Parque Natural Fragas do Eume, segundo avanzou hoxe a conselleira de Medio Ambiente, Territorio e Vivenda, Ángeles Vázquez, durante unha visita que realizou a este espazo natural, coincidindo coa celebración do Día internacional dos bosques.

Máis polo miúdo, a conselleira explicou que a Xunta xa ten localizadas preto de 800 parcelas, cuxa compra se negociará cos respectivos propietarios para, unha vez mercados, realizar actuacións de conservación e restauración “de zonas de máximo interese desde o punto de vista ecolóxico” eliminando e retirando especies invasoras e mellorando a continuidade das masas de frondosas autóctonas.

A Xunta considera de vital importancia a realización de actuacións que persigan tanto incrementar a superficie pública de bosques e a súa recuperación como asegurar a conservación da natureza a través do mantemento dos procesos ecolóxicos, a preservación da biodiversidade dos ecosistemas e a aplicación de medidas que garantan a singularidade da paisaxe e a restauración de recursos naturais degradados.

Estas medidas supoñen, segundo dixo Ángeles Vázquez, a conformación do compromiso do Goberno galego de “facer compatible” a protección e preservación dos valores, hábitats e principais especies de flora e fauna que alberga este territorio cunha actividade económica sostible.

Publicación do PRUX no Diario Oficial de Galicia
Logo de subliñar que o Diario Oficial de Galicia publica hoxe o Plan de uso e xestión deste parque natural, Ángeles Vázquez subliñou que o 80 % dos terreos do parque son de titularidade privada, polo que durante o proceso de elaboración e de consultas do PRUX tamén se tivo moi en conta a opinión e o papel dos propietarios particulares.

De feito, a conselleira puxo en valor que o proceso de elaboración dese documento foi “moi participado” xa que se realizaron reunións cos alcaldes dos 5 concellos do parque – Cabanas, Pontedeume, A Capela, Monfero e As Pontes de García Rodríguez e con representantes de asociacións de propietarios, ecoloxistas, comunidades de montes, entidades veciñais e colectivos ambientais, produtores agrogandeiros, titulares de empresas de lecer e turismo activo, clubs de escalada e montañismo, entre outros.

O PRUX de Fragas do Eume actualiza a zonificación recollida no anterior Plan de ordenación dos recursos naturais para, por un lado, harmonizala coa do resto de parques e por outro, axustar os límites de cada área para compatibilizar a conservación do patrimonio natural e da paisaxe cos usos que se desenvolven nel.

En base á nova zonificación e aos usos e aproveitamentos previstos, o plan desenvólvese ao redor de catro programas: conservación da biodiversidade, a paisaxe e o patrimonio cultural; fomento e promoción da investigación, seguimento e avaliación do territorio; xestión do uso público para que os visitantes coñezan e gocen dos seus valores; e mellora e mantemento das infraestruturas, instalacións e equipamentos existentes.

O Parque Natural Fragas do Eume atópase nunha zona de marcada influencia oceánica entre o medio litoral do esteiro do Eume e as montañas nas que nace o devandito río. Estas características explican por que é, a día de hoxe, unha das mostras máis importantes dos bosques sublitorais galegos e un dos poucos bosques atlánticos ben conservados de Europa.

Relacionadas

Accidente de tráfico na AC-231 ao seu paso polo concello de Sobrado dos Monxes

0
Os bombeiros do parque comarcal provincial de Arzúa foron alertados ao redor das 12:30 horas deste mediodía dun accidente de tráfico acontecido na estrada...

A Concellaría de Bibliotecas crea na zona de pediatría do centro de saúde o...

0
O obxectivo da iniciativa é intensificar o labor de animación á lectura que se realiza durante todo o ano desde o Concello de CarballoAdemais...

A alcaldesa de Cariño recibe ao novo capitán da Garda Civil da zona

0
Caixa de entrada Ártabra Comunica Anexos mar., 28 de maio, 16:20 (hai 19 horas) para cco: redaccion.galicianorteacoruna Boas tardes, adxunto foto de: A alcaldesa...

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

Concello e movemento asociativo colaboran no programa de actividades “Primavera en Baldaio”

0
Regueifa, música, cine, xogos, charlas e rutas integran unha proposta que se levará a cabo nos centros sociais de Lema e Imende Grazas á colaboración...

O Xeoparque Cabo Ortegal prepárase para o acto central conmemorativo do seu aniversario

0
O acto celebrarase o venres á tarde na Casa da Cultura de Valdoviño, na véspera dunha nova fin de semana de actividades gratuítas abertas...

Publicacións Relacionadas