Home A Coruña A Xunta concede máis de 500.000€ nun préstamo sen xuros ao concello...

A Xunta concede máis de 500.000€ nun préstamo sen xuros ao concello de Val do Dubra para a rehabilitación da antiga Tellería de Bembibre

- Anuncio -

 Esta medida enmárcase no Fondo de cooperación para o apoio ao financiamento de actuacións de rehabilitación e conservación do patrimonio construído en concellos de menos de 50.000 habitantes

 Ángeles Vázquez lembra que xa se levan concedidos préstamos por importe de máis de 17,73 M€ para financiar preto de 80 actuacións en case 40 municipios

A Xunta de Galicia concedeu máis de 500.000 euros nun préstamo sen xuros ao Concello de Val do Dubra para a rehabilitación da antiga Tellería de Bembibre e a súa contorna, segundo o acordo asinado recentemente pola conselleira de Medio Ambiente, Territorio e Vivenda, Ángeles Vázquez, e o alcalde da localidade, José Manuel Varela.

Esta medida enmárcase no Fondo de cooperación para o apoio ao financiamento de actuacións de rehabilitación e conservación do patrimonio construído en concellos de menos de 50.000 habitantes. Así, segundo lembrou Ángeles Vázquez, os préstamos concedidos ao abeiro desta iniciativa, que deberán ser reintegrados polo municipio nun prazo de 8 anos, teñen por obxectivo, entre outras cuestións, adquirir e rehabilitar inmobles en estado deficiente de conservación como medida de protección do patrimonio cultural e arquitectónico, do medio ambiente, da paisaxe e do territorio.
Neste caso, a actuación prevista é a rehabilitación da Tellería de Bembibre, unha edificación dun gran valor simbólico, para convertela nun espazo que albergue as funcións de museo, centro social e cultural así como coworking.
Durante a sinatura deste convenio, a conselleira lembrou que a través deste fondo de cooperación para a rehabilitación, cuxa primeira convocatoria foi no ano 2017, concedéronse préstamos por importe de máis de 17,73 millóns de euros para financiar preto de 80 actuacións en case 40 concellos galegos.

Cómpre salientar que este fondo se financia con cargo ás fianzas de alugueiro depositadas no IGVS, cuxa devolución aos depositarios está plenamente garantida. As cantidades devoltas polos concellos pasan a integrarse novamente no fondo para que poidan ser reutilizadas en novos préstamos.
Ademais, a través deste instrumento de financiamento, a Xunta contribúe a facilitar aos concellos as actuacións subsidiarias de rehabilitación nos casos en que os propietarios dos inmobles desatendan as súas obrigas, dado que a normativa vixente permite aos municipios actuar subsidiariamente e despois reclamar aos propietarios o importe das actuacións realizadas.

Relacionadas

A Xunta realiza labores de conservación en varios ríos no concello de Ortigueira que...

0
As tarefas que realiza Augas de Galicia prolongaranse durante 9 semanas e inclúen a retirada de árbores caídas e biomasa das canles fluviais para...

A Biblioteca Municipal de San Sadurniño organiza un concurso de ilustracións sobre a obra...

0
Os orixinais poderán presentarse entre o 23 de febreiro e o 3 de marzo O Concello tamén fai un chamamento á participación na manifestación de...

O presidente da Deputación deplazouse a Ribeira para dar a coñecer o plan de...

0
Hoxe tivo lugar a visita do presidente da Deputación, Valentín González ao Concello de Ribeira o presidente puxo en valor o Plan de Obras...

O Concello solicitará subvencións europeas para diversas actuacións que suman 16 millóns de euros

0
O Concello de Oleiros vai presentarse á próxima convocatoria de fondos europeos para recibir financiamento para diversas actuacións que no seu conxunto suman 16...

Lixeiro descenso do número de familias en situación de vulnerabilidade

0
Nun ano, o número de familias en situación de vulnerabilidade pasou de 284 a 274. É dicir, houbo un lixeiro descenso. Non se duplicaron. O...

Mañá, día 11 de febreiro ábrese o prazo de inscrición para a primeira ruta...

0
O Concello de Oleiros organiza o vindeiro 22 de febreiro unha ruta desde a Fervenza do Toxa ao Mosteiro de Carboeiro e visita ao...

Publicacións Relacionadas