― Proseguirán as tarefas en distintas vías de titularidade da Xunta nos seus percorrido polos municipios de Cedeira, Cerdido, Valdoviño, Ordes, Ribadavia, Ourense, Moaña e Cangas
― Ademais, continuarase coas tarefas de acondicionamento nas zonas verdes de glorietas en Moraña
― Estas actuación forman parte do contrato con Seaga para o control da biomasa das marxes das vías da Xunta, cun investimento de 4 M€ en dous anos
A Xunta continuará a vindeira semana os traballos de limpeza e roza nas marxes das estradas autonómicas nas provincias da Coruña, de Ourense e de Pontevedra.
As actuacións na provincia da Coruña continuarán este luns coas tarefas iniciadas esta pasada semana na estrada AC-566, ao seu paso polos concellos de Cedeira, Cerdido e Valdoviño; e tamén continuarán os traballos na estrada AC-413, en Ordes.
No caso da provincia de Ourense, proseguirán as labores de roza e limpeza na estrada OU-801, no se percorrido polo municipio de Ribadavia, e na OU-504 ao seu paso pola cidade de Ourense e ata o alto do Rodicio.
Na provincia de Pontevedra seguirán os traballos de tala e roza na autovía AG-4.6, e en distintos tramos da vía de alta prestacións CG-4.1, que une os municipios de Moaña e Cangas.
Ademais destas tarefas nas citadas vía autonómicas, proseguirán na provincia de Pontevedra, ademais, as tarefas de acondicionamento nas zonas verdes de glorietas na PO-226, no concello de Moraña.
Seguridade viaria
Todas estas intervencións consisten na limpeza e roza de vexetación na zona de dominio público das estradas de titularidade da Xunta, e na reposición ou reparación de elementos de valado perimetral das estradas autonómicas ou no acondicionamento de zonas verdes en sendas peonís e glorietas.
A Xunta, con este programa, segue a intensificar as súas accións para previr o risco de lumes e contribuír ao reforzo da seguridade viaria mediante o aumento da visibilidade e as accións para facilitar o tránsito de peóns e ciclistas.
Estas intervencións da Consellería de Vivenda e Planificación de Infraestruturas están enmarcadas no contrato coa empresa pública Seaga para o control da biomasa das marxes das estradas autonómicas, que conta cun investimento total de 4 M€ para este e o vindeiro ano.
