Home A Coruña A Xunta destaca o potencial do polo de empredemento de Costa da...

A Xunta destaca o potencial do polo de empredemento de Costa da Morte para xerar emprego e fixar poboación

- Anuncio -

― O delegado da Xunta e a directora xeral de Emprendemento e Apoio ao Emprego participaron na xornada Potenciando o emprendemento, aproveitando os recursos locais: Canle de augas bravas de Dumbría, organizado polo Polo de emprendemento e apoio ao emprego Costa da Morte

― Margarita Ardao lembrou que os polos desde o seu estreo, o ano pasado, xa apoiaron máis de 150 proxectos empresariais e celebraron máis de 500 sesións de titorización a futuros emprendedores

― O obxectivo deste encontro foi fomentar o emprendemento a partir da potencialidade do proxecto da Canle de Augas Bravas de Dumbría

delegado da Xunta na Coruña, Gonzalo Trenor, participou na clausura da xornada de traballo Potenciando o emprendemento, aproveitando os recursos locais: Canle de augas bravas de Dumbría, organizado polo Polo de emprendemento e apoio ao emprego Costa da Morte.

No encontro presentouse a proposta, apoiada polo polo, para a construción dunha canle de augas bravas debido ás características do río Xallas ao seu paso por este concello. A posta en marcha deste proxecto xeraría, ao igual que pasou noutros casos, diferentes oportunidades de emprendemento e ideas de negocio ao redor do mesmo. Para contribuír a este desenvolvemento analizouse no encontro a situación actual e elaboráronse posibles propostas de futuro.

Trenor explicou que “o obxectivo deste encontro foi fomentar o emprendemento a partir da potencialidade do proxecto da Canle de Augas Bravas de Dumbría. Para iso, explicaronse ás persoas asistentes os antecedentes e o estado actual do proxecto e presentaron un caso de éxito dun proxecto similar xa en marcha”.
O representante do Goberno autonómico explicou tras meses de funcionamento, desde o pasado mes de outubro, este polo presta asesoramento na actualidade a 35 proxectos de emprendemento de 18 mulleres e 25 homes que están recibindo acompañamento persoalizado e adaptado ao estado no que se atope o seu proxecto empresarial. Dez deles atópanse na etapa Emerxer, catro na etapa Explorar, seis na de Executar e cinco na de Expandir.
Trenor lembrou que “este é o primeiro polo activo na provincia da Coruña e que desde esta sede en Coristanco presta servizo e apoio aos 29 concellos que conforman as comarcas da Barcala, Barbanza, Bergantiños, Fisterra, Muros, Noia, Terra de Soneira e Xallas”.

O delegado da Xunta destacou que con estes centros a Xunta de Galicia ofrecen unha rede unificada e coordinada, conformada por titores que acompañan desde o comezo e durante cada etapa ás persoas que inician a súa andaina empresarial, para que sexan quen de emprender en condicións de seguridade e para garantir que os seus negocios medren e se consoliden no tempo.
A directora xeral de Emprendemento e Apoio ao Emprego, Margarita Ardao, pola súa banda, convidou ás persoas asistentes a “aproveitar as oportunidades e recursos da Costa da Morte para poner en marcha negocios viables que repercutan directamente na economía local”. Animou a empregar os servizos o Polo Costa da Morte con sede en Coristanco, como integrante da rede de polos de emprendemento e apoio ao emprego que a Consellería de Promoción do Emprego está a despregar por toda a xeografía galega e que desde o seu estreo, o ano pasado, xa apoiaron máis de 150 proxectos empresariais e celebraron máis de 500 sesións de titorización a futuros emprendedores.
Os polos constitúen unha das principais actuacións da estratexia de emprego de Galicia Xempre Contigo, que avoga por avanzar na consecución dun mercado laboral mellor, máis preparado e interconectado, no que o emprendemento no territorio resulta clave polos beneficios que reporta na poboación e nas contornas para xerar emprego e fixar poboación, rematou o delegado.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas