Home A Coruña A Xunta e o concello de Coirós colaborarán na humanización dun núcleo...

A Xunta e o concello de Coirós colaborarán na humanización dun núcleo histórico-tradicional do municipio, cun investimento de 113.000 euros

- Anuncio -

Esta actuación urbanística enmárcase nos obxectivos do plan Hurbe e consistirá na creación dun novo parque público no núcleo rural de Coirós de Abaixo

A Xunta de Galicia e o Concello de Coirós colaborarán na execución dunha actuación urbanística para humanizar espazos públicos no núcleo rural histórico-tradicional e común de Coirós de Abaixo.

Este foi o compromiso asumido pola conselleira de Medio Ambiente, Territorio e Vivenda, Ángeles Vázquez, e o alcalde coruñés, Francisco Quintela, no marco dun convenio bianual subscrito esta semana e no que se fixan os termos da colaboración técnica e económica entre ambas administracións para levar a cabo a obra.

O obxecto da actuación é crear un parque público en Coirós de Abaixo con intervencións destinadas a habilitar accesos en rampla, mellorar e poñer a nivel os pavimentos, dotar a zona de axardinamento, e instalar mobiliario urbano e alumeado público. A tal fin levarase a cabo unha limpeza de vías, cunetas e espazos públicos, mellorarase a evacuación de augas pluviais e eliminaranse as barreiras arquitectónicas.

Cun custo de 1113.586,03 euros dos cales o 70% será achegado polo departamento autonómico e o 30% restante polo Goberno municipal, o convenio enmárcase no chamado plan Hurbe, un programa impulsado pola Xunta fai máis dunha década co fin de axudar ás entidades locais a executar diferentes proxectos urbanísticos destinados á creación, mellora e humanización de infraestruturas de uso público e colectivo.

Tras a sinatura, Ángeles Vázquez subliñou o compromiso do seu departamento á hora de brindar apoio aos concellos co fin de promover actuacións que, como esta, contribúan a dinamizar as vilas galegas e melloren a calidade de vida dos seus veciños.

Neste sentido, cómpre lembrar que nos orzamentos deste ano a Consellería de Medio Ambiente reservou máis de 7,4 millóns de euros para executar actuacións en colaboración cos concellos dirixidas tanto a habilitar ou reformar equipamentos municipais, como a humanizar e poñer en valor as contornas urbanas.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas