test
Home A Barcala A Baña A Xunta investirá preto de 360.000€ na mellora da accesibilidade e da...

A Xunta investirá preto de 360.000€ na mellora da accesibilidade e da seguridade peonil na AC-444 na zona do Seilán, no concello de Baña

- Anuncio -

― Ethel Vázquez adianta que nos vindeiros días se iniciará a supervisión técnica do proxecto para poder sometelo a información pública o antes posible

― Executarase un itinerario peonil continuo, renovando e ampliando as beirarrúas existentes, executando novos treitos ou dispoñendo senda de formigón

― Actuarase en ambas as marxes da estrada nunha lonxitude de preto de 900 metros

― A intervención atende as solicitudes municipais de canalización de abastecemento e de duplicar a condución de saneamento co fin de eliminar os vertidos cara á vía

― A titular de Infraestruturas destaca o traballo da Xunta pola mellora da rede viaria autonómica, con actuacións como o reforzo do firme levado a cabo recentemente nas estradas AC-406 e AC-546, cun investimento de case 300.000 € no concello da Baña

A Xunta investirá preto de 360.000 euros na mellora da accesibilidade e da seguridade peonil na estrada AC-444 ao seu paso municipio da Baña, concretamente no lugar do Seilán.

Así llo comunicou a conselleira de Infraestruturas e Mobilidade, Ethel Vázquez, ao alcalde, Andrés García, no encontro de traballo que mantiveron esta mesma semana no que tamén participou o delegado territorial da Xunta na Coruña, Gonzalo Trenor.

A titular de Infraestruturas da Xunta adiantou que nos vindeiros días se iniciará a supervisión técnica do proxecto co obxectivo de poder sometelo a información pública o antes posibles, xa que require de expropiacións.

O obxectivo da intervención é mellorar a accesibilidade peonil en ambas as marxes da estrada nun treito de preto de 900 metros, concretamente, entre os puntos quilométricos 0+570 e 1+450.

Habilitarase un itinerario peonil continuo, renovando e ampliando as beirarrúas existentes, executando novos treitos de beirarrúa alí onde non as hai ou dispoñendo senda de formigón, garantindo un ancho de 2 metros que garanta a accesibilidade.

A intervención inclúe a implantación de canalización de abastecemento, seguindo o trazo da beirarrúa ampliada, tal e como demandou o Concello.

A titular de Infraestruturas tamén se comprometeu a atender a solicitude municipal de duplicar a condución de saneamento co fin de eliminar os vertidos actuais de varias vivendas cara á estrada.
Ethel Vázquez puxo en valor o traballo do Goberno galego para manter en boas condicións de seguridade e de comodidade a rede viaria autonómica, con actuacións como o reforzo do firme levado a cabo recentemente nas estradas AC-406 e AC-546, que supuxeron un investimento de preto de 300.000 € só no concello da Baña.

A mellora do firme destas vías enmárcase nun contrato maior co que se actuou en tres estradas de titularidade da Xunta ao seu paso polos concellos de Tordoia, Coristanco, Santa Comba, Mazaricos, Negreira e A Baña cun investimento global que supera o 1,5 millóns de euros.

Relacionadas

A Xunta e o Clúster Galego de Solucións Ambientais estudan fórmulas de colaboración para...

0
Avalían diferentes iniciativas dirixidas a dar a coñecer as novidades tecnolóxicas no ámbito das solucións ambientais, así como as últimas innovacións no eido da...

A Xunta aborda coas federacións de transportes de viaxeiros por estrada os retos en...

0
― O conselleiro de Presidencia, Xustiza e Deportes, Diego Calvo, reunise xunto á directora xeral de Mobilidade, Judit Fontela, a representantes de Anetra-Galicia, Fegabus,...

A Xunta apoia a celebración do Noia Harp Fest para seguir diversificando a oferta...

0
O director de Turismo de Galicia presenta esta cita única no mundo especializada na arpa que reunirá artistas de Alemaña, Escocia, Francia, Senegal e...

A Xunta recoñece o traballo decentros de Abegondo, Santiego, Poio e Vigo en prol...

0
— A directora xeral de Ordenación e Innovación Educativa, Judith Fernández entrega o recoñecemento ao Colexio CEIP Plurilingüe Seis do Nadal, de Vigo — Tamén...

Anxo M. Lorenzo gaba a capacidade do alumnado de primaria e ESO para achegarse...

0
O director xeral de Cultura participou na entrega dos premios do IX Concurso de Debuxo Picasso, organizado pola Asociación da Prensa da Coruña co...

Unhas 140 crianzas e persoas adultas participan nas exhibicións do acto de clausura das...

0
Un total de 140 nenos, nenas e persoas adultas participaron nas exhibicións da festa de clausura das Escolas Deportivas Municipais de Frades 2023/2024, un...

Publicacións Relacionadas