test
Home A Barcala A Baña A Xunta ultima os trámites para incoar a declaración da Casa Cornide...

A Xunta ultima os trámites para incoar a declaración da Casa Cornide como Ben de Interese Cultural

- Anuncio -

A directora xeral de Patrimonio Cultural, María del Carmen Martínez Insua, respondeu unha pregunta no Parlamento sobre o estado dos informes do inmoble
Recordou que, para reducir os tempos de tramitación administrativa, xa se trasladou a documentación aos órganos asesores

A Xunta de Galicia está a ultimar os trámites que permitan incoar o expediente de declaración como Ben de Interese Cultural da Casa Cornide reducindo ao máximo os prazos establecidos pola Lei de Patrimonio Cultural. Así o manifestou hoxe no Parlamento a directora xeral de Patrimonio Cultural, María del Carmen Martínez Ínsua, quen respondeu unha pregunta sobre o estado destes traballos.

Como explicou a representante da Consellería de Cultura, Educación e Universidade, a Xunta recibiu a solicitude do Concello da coruña acompañada cun informe elaborado por un equipo multidisciplinar que levou a cabo un proceso de investigación e análise do inmoble desde o punto de vista artístico, histórico e arquitectónico.

Co obxectivo de reducir os tempos de tramitación administrativa a Xunta de Galicia achegou a documentación aos órganos consultivos -o Consello da Cultura Galega, á Real Academia de Belas Artes e á Escola Técnica Superior de Arquitectura da Universidade da Coruña-, que están avaliando a consideración deste inmoble como ben sobranceiro para o patrimonio cultural de Galicia e, polo tanto, a pertinencia da súa declaración como Ben de Interese Cultural. Ao mesmo tempo, os técnicos da Dirección Xeral de Patrimonio están elaborando un informe sobre os valores culturais deste inmoble.

Aliado do Concello da Coruña
“Unha vez que se reciban os informes dos órganos asesores xunto co emitido pola Dirección Xeral de Patrimonio Cultural, se así o ditaminan, procederemos a tramitar a publicación no Diario Oficial de Galicia da resolución de incoación do procedemento para declarar BIC este inmoble, o que determinará a súa protección inmediata ata a súa declaración”, explicou. Neste sentido, a representante autonómica recordou o compromiso do Goberno autonómico por protexer o patrimonio sobranceiro da Comunidade, como así o demostran os 70 bens de interese cultural declarados desde a entrada en vigor da Lei de Patrimonio Cultural de 2016, acadando Galicia un total de 746 BICs.

No caso concreto de Casa Cornide, está catalogado na categoría de monumento no Plan Especial de Protección e Reforma Interior da Cidade Vella e A Pescadería da cidade da Coruña desde 2015. Para dar un paso máis na súa protección e acadar o recoñecemento de BIC, a cidade da Coruña ten no Goberno autonómico un aliado para logralo e seguirá defendendo os intereses do patrimonio público de todos os galegos. Estase a facer coas Torres de Meirás e coas estatuas de Abraham e Isaac, e agora tamén coa Casa Cornide.

Relacionadas

A Xunta apoia a Liga Galega de Traiñeiras con 25 equipos nas súas tres...

0
O conselleiro de Presidencia, Xustiza e Deportes, Diego Calvo, participou esta tarde na illa de San Simón no acto de presentación da competición de...

A Xunta apoia o transporte de mercadorías a través dun plaan estratéxico para impulsar...

0
A directora xeral de Mobilidade, Judit Fontela, participou hoxe en Lugo na clausura da asemblea xeral ordinaria da Asociación Empresarial de Transporte de Mercadorías...

Diego Calvo, visitou esta mañá en Ribadumia os participantes no IV Torneo Intercontinantal de...

0
O conselleiro de Presidencia, Xustiza e Deportes, Diego Calvo, visitou esta mañá en Ribadumia os participantes no IV Torneo Intercontinantal de fútbol sub-14, máis...

A Xunta pon en servizo o novo aparcadoiro disuasorio de Ribadumia con 77 prazas...

0
O orzamento desta actuación, coa que o Goberno autonómico segue a apostar por unha mobilidade máis sostible, elevouse a 540.000 eurosDiego Calvo destacou que...

Rueda destaca o peso do peregrino internacional no Camiño de Santiago e unhas rutas...

0
Fai fincapé en que antes de que remate xuño xa se superará a cifra de 200.000 compostelas, o que augura un novo récord anual...

A avenida Alcalde Juan Bautista Santos Ramos xa é unha realidade

0
· Sandra Insua descubriu hoxe a nova placa, despois de que se aprobara nun pleno extraordinario a proposta do goberno local. · A rexedora destacou...

Publicacións Relacionadas