Home A Coruña Aberto o prazo de inscrición no evento “Atrintaeundoce”, a San Silvestre de...

Aberto o prazo de inscrición no evento “Atrintaeundoce”, a San Silvestre de Narón

- Anuncio -

O edil de Deportes, Ibán Santalla, e o presidente da Agrupación Deportiva Náutico de Narón, Amando Guerrero, presentaron esta mañá “A trintaeundoce”, a San Silvestre de Narón. O evento desenvolverase o vindeiro 31 de decembro na cidade e o prazo de inscrición permanece aberto dende hoxe ata o 25 deste mes (ás 23.59 horas), podendo tramitalas a través da web: www.galitiming.com.

O evento inclúe catro categorías: Master (1987 e anteriores) e Senior (2007-1988), que sairán en ambos casos ás 16.50 horas para percorrer un tramo de 3.112 metros (dúas voltas); Promoción (2014-2008), con saída ás 16.30 para un tramo de 1.556 metros e Pitufos (2015 e posteriores) que sairán ás 16.20 e horas e percorrerán aproximadamente 200 metros, tal e como apuntou Guerrero. O circuíto terá a saída e a meta na estrada de Castela, á altura do número 336 (nas inmediacións da glorieta de Freixeiro) e o punto de retorno para algunhas categorías –B, C e D- estará no citado vial pero á altura do número 525.

O tramo estará pechado á circulación rodada mentres se desenvolva a proba.
Os dereitos de inscrición na carreira absoluta teñen un custe de 3 euros para a categoría absoluta e de un para a de promoción, se ben será de balde para a categoría de pitufos, tal e como se estipula nas bases. No momento da inscrición, a maiores dos datos persoais, deberase especificar se se corre como popular ou federado, debendo no último caso facilitar o número de licenza e o clube. Os dorsais poderán recollerse o propio 31 de decembro na caseta de información turística do Concello, ubicada no parque de Freixeiro dende as 15:15 horas, e tamén previamente, dende o venres 29 ás 16:00 ata o sábado 30 ás 21:00 horas en Decathlon Ferrol.

A entrega de premios será no parque de Freixeiro, unha vez rematada a proba absoluta. Haberá medallas para os tres primeiros clasificados en cada categoría e sexo; na de pitufos darase un agasallo a cada un por participar, ao ser esta proba non competitiva. Os tres primeiros clasificados masculinos e femininos absolutos da proba terán un premio especial e sortearanse tamén varios agasallos ao remate da proba.
O concelleiro de Deportes agradeceu a colaboración do Náutico de Narón e tamén de todas as persoas que colaborarán para o correcto desenvolvemento desta convocatoria, que reúne cada ano a centos de persoas. “Animo ás veciñas e veciños a anotarse porque é un día moi sinalado no que tamén dende Narón organizamos xa dende hai un tempo a tradicional San Silvestre para despedir o ano cun evento deportivo aberto á participación de persoas de todas as idades”, apuntou Santalla.

Relacionadas

O camiño da diabetes amósase en formato de exposición fotográfica na Pobra

0
A Orixe: a diabetes, un camiño de vida. Este é o nome da exposición fotográfica que chega á casa da cultura Raquel Fernández Soler...

Inés Rey reivindica o valor para a cidade da Escola Municipal de Música na...

0
“A esencia desta institución non é só formar músicos, senón tamén persoas”, dixo a alcaldesa A alcaldesa da Coruña, Inés Rey, interveu esta tarde na...

Yoya Neira destaca os valores da Asociación de Amas de Casa no Día da...

0
A concelleira de Benestar Social, Yoya Neira, asistiu hoxe en Palexco en representación da alcaldesa, Inés Rey, A tradicional comida do Día da Amizade...

Instalada a pasarela entre Agramar e Areeiros, preto do Sol y Mar

0
A pasarela que facilita a comunicación ciclopeonil entre as prazas de Agramar e Areeiros, na contorna do Sol y Mar e relacionada coas obras...

O ‘Obradoiro de emprego A Laracha VIII’ rehabilita o Centro Sociocultural de Erboedo

0
Paralelamente a especialidade de traballos de carpintería e moble actúa na mellora do paseo fluvial do Anllóns. O Concello ten en marcha desde hai case...

Compostela demanda a elaboración dun Plan estratéxico para coordinar os aeroportos galegos

0
A alcaldesa defendeu a necesidade dunha política aeroportuaria coordinada e planificada baseada nun plan estratéxico e "liderada por Santiago como punto de referencia e...

Publicacións Relacionadas