Home A Coruña Alternativa demanda reducir o prazo de construción das rotondas de Guísamo a...

Alternativa demanda reducir o prazo de construción das rotondas de Guísamo a ano e medio

- Anuncio -

O Ministerio de Infraestruturas permite á construtora empregar case dous anos e medio en facer a obra

O prazo de case dous anos e medio para construír dúas glorietas en Guísamo resulta a todas luces excesivo, pero así llo permitirá legalmente o estado á empresa construtora, tras rebaixar o prazo inicial, fixado en 34 meses, aos 28 actuais. Ese é o motivo polo que o grupo da Alternativa no concello de Bergondo presenta unha moción ao pleno municipal.

Fontes técnicas consultadas polo grupo municipal estiman que as obras non deberan prolongarse máis dos 18 meses, co que ese ano e medio sería tempo suficiente para soportar as molestias que inevitablemente producirán os labores de transformación da infraestrutura.

Alternativa pide ao resto dos concelleiros e concelleiras de Bergondo que o municipio solicite do Ministerio de Infraestruturas que fixe ese prazo máis acaído e realista, para minimizar no posible a operatividade e rendibilidade de tan importantes nós viarios. A prolongación no tempo dese tipo de obras resulta lesiva para a economía das empresas que utilizan a N-VI neses puntos e para as veciñas e veciños que teñen a obriga de atravesalos por necesidades da súa vida cotián.

As obras consisten en converter por fin en rotondas as interseccións entre a estrada N-VI e as que van para Ferrol e Cambre, distantes entre elas uns centos de metros. As actuais configuracións viarias da zona, moi antigas e complexas para a mobilidade actual, provocaban numerosos problemas para a seguridade viaria e incluso tiñan a consideración oficial de “treito de elevada concentración de accidentes”.

A realización da obra en si resulta moi satisfactoria, xa que se trata de nós de primeira magnitude, moi presionados polo conxunto do tráfico metropolitano e pola proximidade do polígono industrial bergondés, así como polos numerosos puntos de actividade económica na súa contorna, un espazo practicamente urbano e complexo. Simplificar a circulación automobilística con rotondas e atender a outros medios de mobilidade como a ciclista e peonil resulta un gran avance para estes puntos críticos da mobilidade do municipio.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas