Home A Coruña O concello súmase como entidade colaboradora do proxecto "Diversiplás" da Asociación Íntegro

O concello súmase como entidade colaboradora do proxecto “Diversiplás” da Asociación Íntegro

- Anuncio -

Os tres núcleos urbanos contarán con contedores brancos para que a cidadanía poida depositar os envases.

O Concello vén de sumarse como entidade colaboradora do proxecto ‘Diversiplás’ impulsado pola asociación Íntegro, entidade social sen ánimo de lucro que desde hai trinta anos promove a integración das persoas con diversidade funcional nas comarcas da Costa da Morte.

‘Diversiplás’ é un proxecto dirixido á recuperación e valorización de residuos plásticos derivados da actividade marisqueira e da pesca que ten como protagonistas a diferentes axentes sociais da Costa da Morte. Coordinado pola asociación Integro, conta co apoio do GALP Costa da Morte e o financiamento do Fondo Europeo Marítimo e de Pesca a través da Consellería do Mar da Xunta de Galicia. Entre os seus obxectivos figuran promover a inclusión social das persoas con diversidade funcional preservando o medio natural da Costa da Morte e xerando novas dinámicas colaborativas para a posta en marcha de proxectos de economía circular.

O alcalde, José Manuel López Varela, e os edís José Ramón Martínez e Rocío López, recibiron no Concello ao presidente -Alfonso López- e á directora -Noelia Barreira- de Íntegro, que cederon ao Concello dous contedores brancos que serán instalados na biblioteca municipal da Laracha e no centro sociocultural de Paiosaco. Tamén haberá un contedor idéntico na Confraría de Pescadores de Caión, que do mesmo xeito que o Concello tamén é unha entidade colaboradora nesta iniciativa.
Aquelas persoas que desexen cooperar con ‘Diversiplás’ deben depositar neses recipientes os envases de plástico que conteñan os símbolos 2 (polietileno de alta densidade), 5 (polipropileno) e 6 (poliestireno), sen etiquetas e lavados con auga e xabón.
En próximas datas Íntegro ten previsto levar a cabo accións informativas dirixidas especialmente ao público infantil para explicarlles polo miúdo o tipo de envases que poden ser empregados por ‘Diversiplás’ e animalos a colaborar con ese programa.

Relacionadas

Ana Lojo Chan presentou na Pobra o seu libro Marea Morta

0
Unha moza que reside en Edimburgo e chega a un pobo de Galicia para pasar unhas semanas cuns familiares dos que xa levaba anos...

O BNG apoia á veciñanza de Aguiño e anuncia accións ante a Valedora do...

0
Un numeroso grupo de veciños e veciñas concentráronse hoxe en Aguiño para mostrar o seu malestar que está xerando a reforma da fachada marítima...

O Campionato de España de MTB de policías locais celebrarase mañá na Coruña

0
A alcaldesa, Inés Rey, presidiu o acto de apertura desta competición que se celebrará este sábado na contorna de Bens A alcaldesa da Coruña, Inés...

O PP lamenta os nefastos resultados da Conta Xeral de 2021 do concello de...

0
Explican que a Conta Xeral de 2021 do Concello de Cambre lanza resultados totalmente insatisfactorios en canto á xestión do goberno local, pois dun...

Teresa Villaverde reúnese cos integrantes do Club de Fútbol Lousame, que nace cun equipo...

0
O seu presidente, José Ángel Luna, asegura que “é un proxecto a longo prazo” e anuncia que “o ano que vén empezaremos con Fútbol-8...

A Casa da Cultura de Lousame acolle ata o 30 de outubro a mostra...

0
Recolle 26 paisaxes de Lousame porque “pinto o que me gusta e agora estou coa paisaxe. E fáltanme moitas porque Lousame é precioso”, asegura...

Publicacións Relacionadas