● O proxecto, orzado en 62.036 euros, dá resposta á demanda dos veciños e veciñas desta parroquia miñense.
● Os traballos inclúen a substitución do valado perimetral, o chan e os diferentes xogos.
O Concello de Miño sacou a licitación o proxecto para a renovación integral do parque infantil de Bemantes. Unha actuación que dá resposta á demanda dos veciños e veciñas desta parroquia miñense, así como pola Asociación de Veciños A Irmandade; que contarán cunha infraestrutura totalmente renovada e mellorada para o uso e goce dos e as máis pequenos.
A obra, valorada en 62.036 euros e financiada a través do Plan Único Adicional da Deputación dá Coruña, contempla a substitución do valado perimetral, deteriorado polo paso do tempo; de todo o chan de caucho e dos diferentes xogos instalados.
O alcalde de Miño, Manuel Vázquez Faraldo, afirma que “esta obra é moi demandada pola veciñanza de Bemantes” e destaca o investimento en parques infantís, pois Miño “non para de medrar en poboación, logrando atraer a familias mozas con fillos e fillas, que escollen ou noso concello polas boas infraestruturas e a comodidade para vivir”.
