Home A Coruña Boqueixón celebra as vodas de ouro das Carrozas do San Cidre co...

Boqueixón celebra as vodas de ouro das Carrozas do San Cidre co obxectivo de ser Festa de Interese Turístico de Galicia

- Anuncio -

A conselleira do Medio Rural resaltou que “os labores tradicionais do agro que nestas carrozas se reflexan contribúen a unir á xente do rural e forman parte do acervo colectivo que nos define como pobo, polo que é importante preservalos”

A veciñanza de Oural celebrou esta mañá as vodas de ouro das Carrozas do San Cidre, unha festa para exaltar as tradicións e actividades agrogandeiras do rural galego organizada pola Asociación das Carrozas do San Cidre, en colaboración co Concello de Boqueixón, e que ten solicitada a súa declaración como Festa de Interese Turístico de Galicia. Un desfile no que este ano participaron oito carrozas, elaboradas ao longo do ano polo catrocentos veciños e veciñas da parroquia, e que este ano contaron coa novidade da participación dun grupo de tractores antigos, procedentes do Museo do Campo e Mecanización de Silleda.

Tras o desfile das carrozas polas rúas de Camporrapado acompañadas pola música da Charanga BB+ e do grupo local Son de Gaita, o alcalde de Boqueixón, Ovidio Rodeiro, e a conselleira do Medio Rural, María José Gómez, tomaron parte no acto do pregón e entrega de premios ás mellores carrozas: Crackrozas, Sin Ley Quiero e Cuchipandis. Unhas carrozas nas que se podían degustar bo viño e cervexa acompañado da gastronomía local: churrasco, chourizo, fabada, arroz con ameixas, pinchos morunos… e mesmo pizza para os máis cativos.

Festa de Interese Turístico

Ovidio Rodeiro destacou que “Oural é unha parroquia única e así o acreditan estes cincuenta anos de carrozas, un traballo incrible que fai cada unha das aldeas desta parroquia e que van lograr converterse en Festa de Interese Turístico de Galicia”. O alcalde de Boqueixón puxo en valor o traballo da comisión de festas e da Asociación das Carrozas do San Cidre, “algo que puidemos ver todos este venres coa presentación dese documental que recolle toda esa tradición durante estes últimos cincuenta anos”, rematado co grito popular “viva o San Cidre!”.

Pola súa banda, a conselleira do Medio Rural resaltou que “os labores tradicionais do agro que nestas carrozas se reflexan contribúen a unir á xente do rural e forman parte do acervo colectivo que nos define como pobo, polo que é importante preservalos”. Ademais, María José Gómez sinalou que “non se pode entender o presente e dirixirse ao futuro sen coñecer e respectar o pasado” e agradeceu a todos os implicados nesta celebración por chegar ao medio século poñendo en valor as actividades agrogandeiras tradicionais.

O divertido pregón, que reuniu a centos de persoas no campo da festa, correu a cargo de Fran Cañotas, xornalista, actor e presentador da TVG, que deu paso a unha sesión vermú coa Charanga BB+ e Tania Veiras. Pola tarde, a Orquestra Olympus pechará tres días de festa na parroquia do Oural e esta 50 edición das Carrozas do San Cidre.

Relacionadas

Inés Rey anima aos 2.500 médicos do XXX Congreso Nacional de Medicina Xeral e...

0
“Os médicos de familia sodes os profesionais máis próximos ao paciente”, sinalou a alcaldesa durante a inauguración A alcaldesa da Coruña, Inés Rey, presidiu a...

Persoa excarcerada nun accidente de tráfico na DP-0701, ao seu paso polo Concello de...

0
Os bombeiros do parque Comarcal Provincial de Santa Comba foron alertados ao redor das 14:22 horas deste mediodía dun accidente de tráfico na estrada...

Ponteceso aproba o pago de facturas de gastos correntes por valor de máis de...

0
 O pleno, cos votos favorables de PP, PG, AP e PSdeG, aceptou pór en marcha este recoñecemento extraxudicial de crédito  Durante a sesión...

As persoas interesadas en realizar unha fogueira en San Juan deberán avisar con polo...

0
• Non se poderán realizar lumes nas praias nin as zonas verdes contiguas a estas. A próxima fin de semana celébrase a festividade de San...

A Coruña será o epicentro do tríatlon nacional coa celebración das probas Sprint e...

0
O concelleiro de Deportes, Manuel Vázquez, recibiu á organización da proba, que se disputa esta fin de semana no Parrote con 2.200 deportistas confirmados O...

Recollida Bandeira Azul

0
O alcalde, José Manuel López Varela, e os concelleiros José Ramón Martínez Barbeito e Patricia Bello, recibiron hoxe de mans da conselleira de Medio...

Publicacións Relacionadas