Home A Coruña Carballo presumirá de recursos turísticos en Expocidades, que se celebrará do 13...

Carballo presumirá de recursos turísticos en Expocidades, que se celebrará do 13 ao 15 de maio en Ferrol

- Anuncio -

A Mostra Turística das Cidades do Eixo Atlántico terá nesta edición unha importante oferta gastronómica, na que non faltará o noso pan

Carballo non podía faltar á súa cita con Expocidades, a Mostra Turística das Cidades do Eixo Atlántico, que este ano se celebra en Ferrol. E non só porque o noso é un dos concellos membros do Eixo, senón tamén porque queremos aproveitar os mellores escaparates para os nosos recursos turísticos, e este é un deles.

Expocidades naceu como unha microfeira e como un medio para promocionar o turismo de proximidade. Deste xeito, non só se dan a coñecer os destinos no seu mercado máis próximo, senón que tamén é unha oportunidade para establecer unha relación directa entre produtores turísticos e comercializadores. Este ano terá un papel moi destacado a gastronomía, e na caseta de degustacións gastronómicas que estará instalada na Praza de Armas de Ferrol non faltarán nin o pan nin as empanadas de Carballo.

A Mostra Turística das Cidades do Eixo Atlántico estará aberta dende o venres 13 ata o domingo 15. No stand de Carballo poderemos atopar todo tipo de material relacionado coas nosas fortalezas turísticas máis consolidadas, como as augas termais, o surf, a gastronomía ou as feiras, pero tamén con outras que nos sitúan no mapa internacional, como o festival de contidos dixitais Carballo Interplay ou o festival de arte pública Rexenera Fest, que celebrará en breve a súa oitava edición.
Durante toda a fin de semana poderán visitarse as 31 casetas que estarán instaladas fronte ao Concello de Ferrol. Entre os expositores hai 16 de municipios e entidades galegas, 11 portuguesas, o Foro Termal do Eixo Atlántico, Turismo do Porto e Norte de Portugal e a Asociación Ibérica de Municipios Ribeiregos do Douro. Paralelamente celebrarase a Mostra Musical, un evento que busca recoñecer, promover, premiar e difundir a práctica e afección á música entre a mocidade, tanto en Galicia como no norte de Portugal. Este ano participarán 39 solistas e 8 agrupacións procedentes dunha vintena de municipios. As actuacións terán lugar no Auditorio e no Conservatorio de Música Xan Viaño. O Concello de Ferrol habilitará durante a fin de semana un tren turístico.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas