Home A Coruña Comercios e locais de hostalería de Padrón decoran os seus escaparates con...

Comercios e locais de hostalería de Padrón decoran os seus escaparates con creacións do I Certame de Debuxo con motivo do 25N

- Anuncio -

Os premios ao alumnado dos CEIP Rosalía de Castro e Flavia serán entregados mañá venres 26 de novembro, ás 20:30 horas, no auditorio

Numerosos comercios e locais de hostalería de Padrón están a decorar esta semana os seus escaparates coas creacións realizadas no I Certame de debuxos con motivo do 25N. Un certame organizado polo CIM Terras de Iria e no que participaron alumnos e alumnas dos CEIP Flavia e Rosalía de Castro.

A entrega de premios aos gañadores/as terá lugar mañá venres 26 de novembro, ás 20:30 horas, no Auditorio municipal durante o acto institucional contra a violencia de xénero. O alcalde, Antonio Fernández Angueira, e a concelleira de Igualdade, Lorena Couso, serán os encargados de entregar os premios a: Uxía Domínguez Vidal (2º A), Mariña Sande Vizcaya (4ºB) e Sofía Agrasar Castro (6ºA) do CEIP Flavia; e Hugo Vidal Barreiro (2ºA), Lía Boullón Pintado (4ºB) e Mariña Boullón Pintado (6ºB) do CEIP Rosalía de Castro. Previamente, ás 19:00 horas, Malasombra Teatro porá en escena a obra “Bernarda”, candidata ao mellor espectáculo dos Premios Max 2021.

Hai saída do maltrato

Por outra banda, o CIM Terras de Iria compartiu en redes sociais un vídeo especial para conmemorar o 25 de novembro cunha mensaxe moi clara: hai saída do maltrato. “Esta é a idea que o CIM Terras de Iria quere transmitirlles ás veciñas de Padrón, Rois e Dodro. Para iso, estreamos un vídeo no que Loli Costa, persoa que logrou deixar atrás a violencia de xénero e nos conta a súa experiencia, ademais de animar a todas as mulleres vítimas a denunciar”, explica Lorena Couso.

No vídeo, Loli Costa conta a súa experiencia como vítima de violencia machista e traslada unha mensaxe de optimismo: “sei que non é fácil, pero é mellor estar aquí contándoo que mortas. Por favor, dade o paso”.

A programación especial do CIM Terras de Iria rematará o sábado 27 de novembro, ás 19:00 horas, coa posta en escena de “Feminíssimas”, da compañía Ste Xeito Producións. Unha programación que conta coa colaboración do Concello de Padrón, da Secretaría Xeral de Igualdade, do Ministerio da Igualdade e da Unión Europea.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas