Comeza un cribado na hostalería local pobrense

A Consellaría de Sanidade comeza no día de hoxe, domingo 3, un cribado na hostalería local da Pobra. As probas realízanse no Hospital da Barbanza e afectan a 43 establecementos hostaleiros (restaurantes, cafeterías, bares, bares-tenda da zona rural, aloxamentos, etcétera), é dicir, a 111 persoas traballadoras neles.
O Concello da Pobra do Caramiñal expresa o seu agradecemento pola colaboración amosada por parte deste sector, un dos que máis se está vendo afectado pola pandemia a causa da COVID-19.