Desde o día 30 de xaneiro e por un período de 2 meses, procederase ao corte total de tráfico do tramo final da Avda. Santa Cristina (entre as rúas Linneo e Avda. Das Américas) a causa das obras de remodelación da avenida principal.
A tal efecto, os vehículos que baixen pola Avenida de Santa Cristina serán desviados, ben cara á Rúa Humboldt (se pretenden dirixirse á dereita), ou ben cara á Rúa Mendel, que mudará temporalmente de sentido (se pretenden dirixirse á esquerda).
O acceso aos dous tramos da Avenida das Américas quedará cortado polas obras da Avenida de Santa Cristina. Estes dous tramos pasarán a ser de dobre sentido de circulación, con acceso dende os seus extremos (desde a “Cabaña do Pescador”, a través da Rúa Mendel, e da Rúa Darwin; respectivamente), para o que será necesario modificar a actual disposición das bandas de estacionamento.
O desenvolvemento das obras obriga tamén a inhabilitar temporalmente tamén a parada de autobús escolar situada na esquina da Avenida de Santa Cristina coa Rúa Mendel.
Os colectores de recollida de lixo de carga lateral situados nas rúas afectadas polo corte haberán de ser substituídos temporalmente por outros de carga traseira.
