Home A Coruña Couto pide “encher as urnas de papeletas do BNG” para que Arteixo...

Couto pide “encher as urnas de papeletas do BNG” para que Arteixo “entre por fin no século XXI”

- Anuncio -

Durante o acto central de campaña do BNG de Arteixo, o alcaldable, Xurxo Couto, destacou a aposta do BNG por servizos municipais e de calidade, así como a necesidade de ter un goberno decidido a “loitar polos intereses e dereitos da veciñanza, lonxe do servilismo á Xunta”


“Crearemos políticas reais en igualdade e loitaremos e poñeremos en marcha programas contra os delitos de odio, para que todos e todas nos sintamos seguras, queridas e respectadas”


(Ás 20.00 horas enviaremos fotos do acto)


Arteixo, xoves, 25 de maio

“O futuro ten que comezar o día 28 de maio, no que por fin, Arteixo entre no século XXI”, así comezou a súa intervención Xurxo Couto, candidato do BNG de Arteixo, durante o acto central de campaña que se celebrou hoxe na praza do Balneario. O cabeza de lista pediu “encher as urnas de papeletas do BNG” para dotar de servizos básicos as zonas que aínda non o teñen e para que toda a cidadanía desfrute duns servizos “de calidade”.

Recordou que os piares do programa da formación nacionalista son “orgullo, mocidade, economía e servizos”. Nesta liña, lamentou que as persoas mozas estean “totalmente desatendidas”, en contraposición, o BNG poñerá en marcha iniciativas que permitan “axudar á mocidade a encarar ese futuro na mellor situación posible”, con canles permanentes de comunicación cos sectores da educación e empresariais.

“Un dos piares da campaña do BNG tamén foron os servizos básicos dos que aínda carecemos en Arteixo, en pleno 2023, moitos dos lugares do noso concello”. E esta non é a única eiva do concello, continuou Couto para recordar que o municipio segue sen plan xeral. “Unha ferramenta fundamental, non só para establecer onde e como se pode edificar, senón tamén, cales son as infraestruturas, os servizos e os equipamentos que precisa o noso concello”.

Couto defendeu a necesidade de incrementar a calidade dos servizos e a municipalización destes, como, por exemplo, o Servizo de Axuda no Fogar. “Pasaron nos últimos 12 anos, nove empresas que nunca deron un servizo como nos merecemos, nin as traballadoras tiñan unhas condicións dignas, e, por tanto, nós sempre apostamos pola municipalización do SAF”.


“Necesitamos un goberno decidido a “loitar polos intereses e dereitos da veciñanza, lonxe do servilismo á Xunta”, porque Arteixo “segue a estar no punto de mira das empresas enerxéticas”. Ademais de ter unha Alcaldía que se preocupe de maneira “permanente en mellorar a Sanidade e a Educación”, apuntou Couto.

O candidato do BNG fixo fincapé nas “políticas reais en igualdade” que poñerá en marcha o BNG se ten responsabilidades de goberno, como os puntos seguros contra a violencia machista ou incrementar os recursos económicos e de persoal do Centro de Información da Muller. Asemade, aseverou que os nacionalistas loitarán e poñerán en marcha programas contra os delitos de odio e de visibilización do colectivo LGTBIQ+. “Por un Arteixo onde todos e todas nos sintamos seguras, queridas e respectadas”.

Relacionadas

Un total de 84 nenos e nenas do municipio teñen praza no campamento de...

0
As familias poderán formalizar a matrícula dos menores dende mañá ata o 17 de xuño O Concello facía público este mediodía o listado de admitidos/as...

Aitor Bouza fai unha valoración positiva dos resultados das europeas en Santiago: “o Partido...

0
Amósase satisfeito por ter subido sete puntos respecto as eleccións ao Parlamento Europeo de 2014, “as últimas que se celebraron nun contexto similar a...

Paderne une viño, gastronomía e tradición na Feira GastroLexítimo, herdeira da Mostra do Branco...

0
 Celebrarase en Esperela o sábado 29 de xuño e contará coa actuación de A Roda  O evento social nace como un xeito de...

O concelloamplía a rede de abastecemento entre Golmar do medio e San Pantaión

0
Melloraranse os servizos que se ofrecen ás vivendas desa zona, ademais de tratarse dunha intervención cun impacto directo na protección do medio ambiente. O Concello...

Intercambio de experiencias entre o Concello da Pobra e o Lar Gallego de Sevilla

0
Máis de cincuenta integrantes da asociación Lar Gallego de Sevilla atópase estes días na terra nai, rememorando a arte, cultura, lingua e gastronomía. No seu...

O Concello de Santiago continúa coa tramitación da nova ordenanza complementaria de usos en...

0
O executivo municipal dá un novo paso para a aprobación da nova ordenanza que promoverá e favorecerá o acceso á vivenda. A Xunta de...

Publicacións Relacionadas