Enviamos tamén varias imaxes de “Sementamos os nosos dereitos”, o obradoiro organizado na tarde do sábado polo Concello e a Asociación Cultural Brío para celebrar o Día Internacional da Infancia.
O taller creativo tivo como obxectivo promover a relexión da rapazada sobre cales son os seus dereitos. Desenvolveuse en dous grupos, un de 3 a 7 anos e outro de 8 anos en diante, que ao final da tarde xuntaron esforzos para confeccionar unha grande árbore mural cos distintos dereitos das nenas e nenos. A árbore quedou colocada esta mañá na escaleira de acceso ao primeiro andar da Casa do Concello.
