Home A Coruña En marcha a oitava edición do Chanfaina lab

En marcha a oitava edición do Chanfaina lab

- Anuncio -

Agora si que si. Coa chegada das cineastas ao longo da mañá e da tarde, este venres comezou unha nova edición do encontro audiovisual Chanfaina lab. Foron vindo aos poucos, tendo como punto de encontro a Casa da Cultura para as instrucións iniciais sobre o desenvolvemento da cita e lugar onde a concelleira de Cultura, Araceli Bellas, lles deu a benvida oficial en nome do Concello. A partir de aí tocou descubrir o territorio nun tour que tivo como primeira parada o arboreto da Cortiña, onde todos e todas as participantes amadriñaron unha unha árbore -un sanguiño- como símbolo da pervivencia do Chanfaina e da súa raíz no territorio. Mañá toca planificar, ultimar os proxectos e poñerse a gravar pateando San Sadurniño á busca de historias e protagonistas, cun ollo no visor da cámara e outro no tempo, que disque vai vir entre nubes e craros e a posibilidade dalgunha pinga.

Ademais do primeiro día de filmacións, o sábado tamén traerá dúas actividades paralelas: ás 12:00h o espectáculo infantil “Cinema e historias da man de Alice Guy”, coa actriz e narradora Raquel Queizás, e á tardiña -20:00h-, a sección Clásicos Chanfaina lab, dedicada nesta ocasión á “Natureza salvaxe de San Sadurniño. O Forgoselo”.

A zona máis elevada de San Sadurniño foi, precisamente, a protagonista da tarde deste venres. O doutor en Xeoloxía Francisco Canosa guiou unha pequena xeorruta pola zona de Racamonde para mostrar as formacións graníticas existentes na paisaxe e ofrecer unha visión xeral sobre o Xeoparque do Cabo Ortegal, de recente aprobación por parte da UNESCO.

A viaxe serviu tamén para que as persoas participantes, sobre todo as chegadas de fóra, se fixesen unha idea da dimensión territorial dun concello de case 100 quilómetros cadrados, dentro dos cales hai moitas cousas para ver e contar desde distintas ópticas -documental, ficción, experimental…-, pero que tamén implican un reto maiúsculo para localizar lugares e protagonistas, sen contar o tempo que se perde en desprazamentos se se pretenden facer tomas en varias parroquias.

Por esta razón, o Chanfaina conta cunha ampla rede veciñal, ademais do persoal da Aula CeMIT e de Cultura, para brindar apoio… ou, mellor dito, facer labores de produción que lles faciliten o traballo ás creadoras e creadores.

A maioría delas e deles mostraron no serán de hoxe unha pequena mostra do seu traballo, a xeito de pílulas visuais de pouco máis de dous minutos proxectadas na denominada “Eira de Cineastas” que tivo lugar na Casa da Cultura.

Agora toca recollerse cedo, posto que mañá sábado agarda un día de traballo intenso para recoller material visual co que preparar as pezas que poderemos ver na segunda parte do Chanfaina, aló por finais de xaneiro ou inicios de febreiro.

Relacionadas

Accidente de tráfico na AC-231 ao seu paso polo concello de Sobrado dos Monxes

0
Os bombeiros do parque comarcal provincial de Arzúa foron alertados ao redor das 12:30 horas deste mediodía dun accidente de tráfico acontecido na estrada...

A Concellaría de Bibliotecas crea na zona de pediatría do centro de saúde o...

0
O obxectivo da iniciativa é intensificar o labor de animación á lectura que se realiza durante todo o ano desde o Concello de CarballoAdemais...

A alcaldesa de Cariño recibe ao novo capitán da Garda Civil da zona

0
Caixa de entrada Ártabra Comunica Anexos mar., 28 de maio, 16:20 (hai 19 horas) para cco: redaccion.galicianorteacoruna Boas tardes, adxunto foto de: A alcaldesa...

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

Concello e movemento asociativo colaboran no programa de actividades “Primavera en Baldaio”

0
Regueifa, música, cine, xogos, charlas e rutas integran unha proposta que se levará a cabo nos centros sociais de Lema e Imende Grazas á colaboración...

O Xeoparque Cabo Ortegal prepárase para o acto central conmemorativo do seu aniversario

0
O acto celebrarase o venres á tarde na Casa da Cultura de Valdoviño, na véspera dunha nova fin de semana de actividades gratuítas abertas...

Publicacións Relacionadas