Home A Coruña O BNG solicita no Congreso a gratuidade da AP9 até Miño durante...

O BNG solicita no Congreso a gratuidade da AP9 até Miño durante as obras da Ponte de Pedra entre Cabanas e Pontedeume

- Anuncio -

O deputado Néstor Rego propón esta medida para asegurar fluidez do tráfico durante as obras da Ponte de Pedra, que veñen de comezar

A medida implicaría reservar a Ponte de Pedra exclusivamente para o tráfico local, eliminando todo o tráfico pasante

O deputado do BNG no Congreso, Néstor Rego, vén de presentar unha Proposición non de lei instando ao goberno central a establecer a gratuidade das peaxes do tramo de AP9 Vilar do Colo – Miño durante as obras da Ponte de Pedra entre Pontedeume e Cabanas.

As obras, que veñen de comezar, implican cortes de tráfico en sentido alternativo regulados por semáforos, aumentando os problemas de retencións nunha ponte que xa soporta un tráfico moi importante, ao ser a única alternativa libre de peaxe para cruzar o río Eume.

A proposta do BNG busca paliar no posíbel estas molestias eliminando a peaxe do tramo da AP-9 até Miño, polo menos durante a duración das obras, e facendo o uso da AP-9 obrigatorio para o tráfico pasante, de xeito que a Ponte de Pedra quede reservada unicamente para o tráfico local.

“É innegábel que en maior ou menor medida as obras van afectar negativamente á fluidez dun tráfico que xa de por si é elevado, polo que a solución debe pasar por reducir e axilizar o tráfico na Ponte o máximo posíbel” indicou o deputado Néstor Rego. “A única alternativa viábel é liberar a peaxe a AP-9 entre Vilar do Colo e Miño, xa que a seguinte ponte sobre o río -entre Capela e Monfero- supón 38 quilómetros de rodeo por unha estrada de difícil circulación”, concluíu o deputado.

Pola súa banda, o portavoz municipal do BNG de Cabanas, Iago Varela, agradeceu a disposición de Rego para “trasladar esta inquedanza da veciñanza de Cabanas ao Congreso”, e lembrou que malia ter acordado o pleno -a iniciativa do BNG- solicitar esta gratuidade ao Ministerio de Transportes no mes de novembro, o goberno municipal aínda non deu traslado desta solicitude.

Relacionadas

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

Concello e movemento asociativo colaboran no programa de actividades “Primavera en Baldaio”

0
Regueifa, música, cine, xogos, charlas e rutas integran unha proposta que se levará a cabo nos centros sociais de Lema e Imende Grazas á colaboración...

O Xeoparque Cabo Ortegal prepárase para o acto central conmemorativo do seu aniversario

0
O acto celebrarase o venres á tarde na Casa da Cultura de Valdoviño, na véspera dunha nova fin de semana de actividades gratuítas abertas...

Augas de Galicia estudará a posibilidade de habilitar un paso peonil pola ponte da...

0
O alcalde e a enxeñeira municipal participaron na xuntanza da comisión de seguimento do convenio asinado entre o organismo autónomo e o ConcelloO alcalde,...

O Dr. Calafiore responderá en Laxe as dúbidas máis comúns sobre patoloxías da próstata...

0
• A charla informativa terá lugar este sábado, 25 de maio, ás 19:00 horas, no Salón de Actos Culturais • Durante a sesión, o profesional...

Luns 27 de maio, día de doar vida en San Sadurniño

0
Doar sangue é un xesto de solidariedade e altruísmo que pode salvar vidas. O lema “doar sangue é doar vida”, utilizado pola Axencia de...

Publicacións Relacionadas