Home A Coruña O CIMM anuncia a súa programación para o mes de setembro

O CIMM anuncia a súa programación para o mes de setembro

- Anuncio -

Unha exposición sobre as aves do Golfo Ártabro e varias saídas interpretativas centran a actividade do espazo museístico

O Centro de Interpretación do Medio Mariño (CIMM) de Cabanas vén de presentar a programación de actividades para o mes de setembro, que inclúe saídas interpretativas e unha exposición e relatorio sobre as aves do Golfo Ártabro.

Rutas interpretativas a pé

O sábado 3 de setembro, ás 9.30h, farase unha saída pola ruta interpretativa das Fragas do Eume, na que as participantes percorrerán o curso do río Eume, visitando o seu esteiro e chegando ao centro de recepción de visitantes. A actividade servirá para coñecer a importancia da zona intermareal, as especies que habitan e conforman o bosque autóctono das Fragas do Eume e os aproveitamentos tradicionais dos recursos deste espazo.

Para o venres 9 de setembro á tarde (17.30h) está programada a saída da costa, que achega ás visitantes até o muíño de mareas de Río Castro, a zona litoral de Cabanas e a antiga lonxa de Pontedeume, permitindo coñecer a biodiversidade que alberga este hábitat, as transformacións da costa e un dos solpor espectacular desde a Praia da Madalena.

Ambas actividades son de balde, e teñen saída desde as instalacións do CIMM, situado no Parque do Areal. Para participar nelas é preciso inscribirse previamente a través do formulario online dispoñíbel na web do CIMM, no correo cimm@cimmcabanas.gal ou no teléfono 674 357 478

Saída en barco

Ademais das saídas a pé, tamén se levará a cabo unha nova saída interpretativa en barco polo esteiro do Eume o mércores 7 de setembro en horario de mañá. Porén, para esta actividade xa non quedan prazas libres, xa que estas foron cubertas coa extensa lista de espera das saídas en barco programadas no mes de agosto.

Exposición e relatorio sobre as aves do Golfo Ártabro

A partir do 1 de setembro poderase visitar a exposición “Aves Ártabras”, unha escolma da exposición itinerante “Aves de Galiza” do Centro de Extensión Universitaria e Divulgación Ambiental de Galiza (CEIDA), coa que poderemos coñecer moitas das aves que, malia pasar desapercibidas, acompañan o noso día a día nos parques, praias, esteiros, cantís ou fragas da nosa contorna.

Ademais, para o martes 6 de setembro ás 19.00h está programado o relatorio “As aves mariñas do Golfo Ártabro, veciñas do mar e do ceo”, a cargo de Serio París, coordinador do programa de Educación Ambiental e Espazos Naturais Protexidos do CEIDA.

Sobre o CIMM

O Centro de Interpretación do Medio Mariño (CIMM) de Cabanas é un proxecto impulsado pola área de medio ambiente do Concello de Cabanas, e conta con financiamento de fondos FEMP a través do GALP Golfo Ártabro Norte.

Pode visitarse de 9 a 15 horas de martes a xoves, e de 11 a 14h e de 15 a 18 horas de venres a domingo.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas