Home A Coruña Fegateatro achegará a Brión catro actuacións de teatro afeccionado en outubro e...

Fegateatro achegará a Brión catro actuacións de teatro afeccionado en outubro e novembro

- Anuncio -

Todas as actuacións terán lugar no centro social polivalente, ás 20:30 horas, e de xeito gratuíto, previa reserva de praza

Fegateatro volve a Brión con “Lisístrata”, de Teatrino, que poderá ser desfrutada este venres 15 de outubro, ás 20:30 horas, no auditorio do centro social polivalente. Será a primeira das catro actuacións programadas para os meses de outubro e novembro froito dun acordo de colaboración asinado polo Concello de Brión e a Federación Galega de Teatro Afeccionado (Fegatea).

“Lisístrata” é un espectáculo da compañía Teatrino dirixido a todos os públicos. Durante uns 65 minutos, supón unha revisión da obra clásica na que as mulleres inician unha folga de abstinencia sexual para deter a guerra entre Atenas e Esparta. Teatrino porá en escena unha comedia chea de enredos e xogos de palabras que serve para denunciar a visión masculina dos roles femininos e apuntar a necesidade dunha militancia activa pola igualdade de xénero.

“Lisístrata” é a primeira das catro actuacións programadas para os dous próximos meses, todas elas en venres, ás 20:30 horas e no auditorio do centro social polivalente. A asistencia aos catro espectáculos será de balde, se ben o aforo é limitado e é preciso anotarse previamente enviando un mail a entradasbrion@gmail.com, indicando nome da persoa ou persoas asistentes, NIF e teléfono de contacto.

Completarán o ciclo FarandOleiras Cabaré, con “Olimpo´s” (venres 22 de outubro), Tiruleque con “A farsa do Maitre Pathelin” (venres 12 de novembro) e Tequerreté Teatro con “Confinados” (venres 19 de novembro).

Teatro profesional

Fegateatro desenvolverase paralelamente ao Brión Cultural, programa de teatro profesional que ten lugar os sábados de outubro e novembro. Para este sábado 16 de outubro, a compañía A Panadería porá en escena “Elisa e Marcela”, unha comedia musical recomendada para un público adulto que poderá desfrutarse ás 20:00 horas no polivalente. Inscricións en entradasbrion@gmail.com ata as 14:00 horas do 14 de outubro.

“Elisa e Marcela” é unha reconstrución irreverente dun suceso real: en 1901, dúas mulleres casan na igrexa de San Xurxo (A Coruña), unha delas vestida de home. Unha historia de amor a contratempo onde o verídico parece un invento.

Relacionadas

Cambio localización espectáculo “Varietés Animalario”

0
Debido ás condicións meteorolóxicas previstas para este domingo, 24 de outubro ás 18.00 horas, o espectáculo de monicreques “Varietés Animalario” de Paporrubio -en lembranza...

O alumnado de Infantil e Primaria do CPI Cernadas de Castro participa nos obradoiros...

0
O alumnado da ESO participará nos talleres programados para a próxima semana polo Concello e a Secretaría Xeral da Igualdade O alumnado de Infantil e...

O Concello solicita á Deputación unha subvención para a renovación da rede de abastecemento...

0
• O pleno municipal aprobou esta petición para financiar a obra, valorada en 200.377,84 euros. • Tamén se aprobaron en sesión plenaria os festivos locais...

O Concello pon unha vivenda ao servizo das familias con menores en tratamento oncolóxico

0
Inés Rey entregoulle hoxe as chaves á Asociación ASANOG como parte do compromiso do Goberno local co labor que prestan as entidades sociais A alcaldesa...

A Reserva celebra unha xornada sobre as boas prácticas agrarias no cultivo do trigo

0
• Cunha duración de cinco horas, celebrouse na Aula de Ou Naranxo, en Abegondo, á que acudiu o presidente da entidade, José Antonio Santiso. A...

A Coruña acolle esta fin de semana a primeira Regata Isabel Zendal, unha competición...

0
O Náutico coruñés estreará catro xogos de velas para os seus barcos J-80 que foron financiadas polo Concello A Coruña acollerá esta fin de semana...

Publicacións Relacionadas