Esixe ao goberno local que organice unha recepción ins4tucional da Corporación para “recoñecer a súa profesionalidade e capacidade”
Os bombeiros de Compostela clasificáronse entre os dez máis rápidos no desaBo Quebra Costas de Coímbra no que par4ciparon 700 efectivos de varios países
Miguel Ángel Arca, José Antonio Gontán, Asier Vázquez e Roberto Seoane, parte do equipo do parque de bombeiros de Santiago participaron a semana pasada nunha competición internacional en Portugal na que se clasificaron entre os dez máis rápidos de Europa. Unha “proeza” e un “orgullo” en palabras do portavoz socialista, Gonzalo Muíños, que merece “un recoñecemento por parte de Concello”.
O edil socialista lamenta que ese recoñecemento aínda non chegara por parte do goberno local e reclama ao executivo de SanmarOn a organización dunha recepción institucional da Corporación Municipal aos catro profesionais que participaron na competición celebrada en Portugal.
A competición en cuestión é o desaQo Quebra Costas de Coímbra no que participaron 700 bombeiros de 72 equipos de distintos países de Europa. Unha proba de velocidade na que, os competidores debían correr medio quilómetro en ascenso, cun desnivel do 14%, 150 chanzos e con 22 quilos de equipo ao lombo, é dicir, todo o equipo que se emprega nunha intervención por incendio: traxe, verdugo, casco, chaquetón, botas, guantes e unha bombona de 150 litros de osíxeno.
“Unha proeza por parte dos nosos profesionais que ben merece un recoñecemento para parabenizar aos nosos bombeiros por este logo e recoñecer a súa profesionalidade e capacidade” concluíu Muíños que levará esta esixencia ao vindeiro pleno municipal se non se atalla antes por parte do goberno local.
