test
Home A Coruña Gonzalo Muíños sobre a posibilidade de mover as atraccións das festas: “é...

Gonzalo Muíños sobre a posibilidade de mover as atraccións das festas: “é compatible o coidado do patrimonio co desfrute dos espazos públicos da cidade”

- Anuncio -

Lembra que o propio executivo de Sanmartín empregou este argumento hai escasos días para manter a instalación da orquestra na Praza do Obradoiro

O portavoz socialista propón un maior control policial na instalación das atraccións

Baixo a premisa de que “unha cidade é para vivila”, o grupo socialista saíu ao paso este mércores logo de que o executivo de Sanmartín anunciase a posibilidade de retirar as atraccións das festas do Parque da Alameda. O seu portavoz, Gonzalo Muíños, insiste en que “o respecto ao patrimonio non pode ser incompatible co desfrute dos espazos públicos da cidade” e lembra que ese mesmo argumento “foi o que usou ata hai escasos días o propio goberno para manter a instalación da orquestra na Praza do Obradoiro”.

“De novo en Santiago estase a xerar unha polémica por un anuncio sen traballar ao que lle sucederon varias explicacións da alcaldesa” critica Muíños, que cuestiona o proceder do bipartito con esta cuestión e a “confusión” que se está a xerar, “outra vez”, entre a cidadanía de Santiago: “uns din de quitalas da Alameda, outros que só quede a noria e outros que vaian para a avenida de Xoán Carlos I”.

O portavoz dos socialistas en Raxoi apela ás propias palabras da alcaldesa, que este martes subía ao seu Instagram unha imaxe desde a noria da Alameda na que publicaba “a visión desde a Alameda do corazón de Compostela sempre estará ligada ás festas da Ascensión e a tempo de lecer e diversión”: “recoñece ela mesma que as atraccións no parque forman parte da estampa das festas” recalca.

Maior control na instalación das atraccións

Muíños propón como posible solución na procura “dun maior coidado da zona” un incremento do control policial na instalación das atraccións. Neste sentido, lembra que esta mesma semana os socialistas denunciaron un operativo policial insuficiente durante a Ascensión, con un número de efectivos inferior ao mínimo que establece o decreto de servizos mínimos do departamento de Seguridade.

Así, segundo o edil socialista, “podemos falar de mellorar o coidado ou o control da zona durante a instalación” pero insiste en que “non podemos argumentar que se pode facer un concerto no Obradoiro porque hai que compatibilizar o coidado do patrimonio co desfrute dos espazos públicos, e que esa mesma lóxica non sirva para manter as atraccións na Alameda”.

Relacionadas

A avenida Alcalde Juan Bautista Santos Ramos xa é unha realidade

0
· Sandra Insua descubriu hoxe a nova placa, despois de que se aprobara nun pleno extraordinario a proposta do goberno local. · A rexedora destacou...

Ponteceso iza as súas treis bandeiras azuis nas praias de Balarés, Ermida e Osmo

0
Esta mañá foron izáronse no Concello de Ponteceso as bandeiras azuis correspondentes ás praias de Balarés, Ermida e Osmo.   No acto celebrado en Balarés participaron...

O Grupo Municipal Socialista insta á Xunta a paralizar as obras da senda ciclista...

0
Logo dun encontro coa asociación veciñal de Conxo Aberto aseguran que, logo de comezar as obras, “está demostrando que é unha actuación agresiva que...

Donaya Market abre as súas portas na Coruña

0
● A súa oferta gastronómica, enfocada na cociña asiática, aúna tapas e ramén. ● O local sitúase no centro da cidade na rúa San Andrés...

Un ano de caos e desgoberno en Culleredo: un ano tirado ao lixo

0
A falta de vontade de traballo evidénciase na deficiente prestación de servizos e na absoluta desatención das necesidades veciñais. O goberno municipal segue sen presentar...

Choque frontal na estrada AC-416 á altura do cruce da rúa Olveiras, en Carballo

0
Os bombeiros do parque comarcal provincial de Carballo foron alertados ás 01:39 da madrugada de onte dun accidente de tráfico na estrada AC-418 á...

Publicacións Relacionadas