A editorial Hércules de Edicións e o Concello de Ares convocan a convocatoria do “Premio Alén 2023/2024”. Este prestixioso premio literario ten como obxectivo fomentar a creación literaria e celebrar a riqueza cultural da emigración galega, así como da literatura en lingua galega.
Nas bases desta convocatoria establécense algunhas disposicións crave como as normas relativas aos participantes, que deben ser maiores de idade, de calquera nacionalidade e residencia e que estean ao corrente das súas obrigacións tributarias e coa Seguridade Social.
Nestas disposicións destaca tamén que os participantes poderán presentar unha obra en lingua galega que reflicta preferentemente a emigración galega, sen importar o seu lugar de orixe no mundo.
Ademais, as novelas deberán ter unha extensión mínima de 80.000 caracteres con espazos e unha extensión máxima de 140.000 caracteres con espazos e terán que ser presentados en triplicado e en formato impreso, sen firma nin elementos identificativos, xunto cun CD ou pen drive co arquivo dixital do texto.
Ao gañador outorgaráselle un único premio de 2.000,00 €, un diploma conmemorativo e a publicación da obra gañadora por Hércules de Edicións.
O “Premio Alén 2023/2024” busca recoñecer e promover o talento literario en lingua galega e celebrar a herdanza cultural da emigración galega en todo o mundo. Convidamos os escritores interesados a participar e a compartir as súas historias connosco.
Para máis información e detalles sobre as bases do premio ou como presentar as súas obras, visite o sitio web oficial do Concello de Ares ou comuníquese coa Área de Cultura do Concello de Ares.
