Imaxes aéreas dos desprendementos que se produciron na presa da minicentral hidroeléctrica do Castelo, en Naraío, debido ás intensas chuvias da última semana de decembro.
A precariedade do contraforte obrigou a desaloxar tres vivendas mentres non se asegure a estrutura. Tamén se prohibiu o acceso á fervenza do Castro e recoméndase non transitar polo sendeiro situado á beira do cauce augas abaixo, debido ao perigo de derrubamento que podería provocar crecidas súpetas do nivel do río.
A ausencia de chuvia nos dous últimos días e a apertura do aliviadoiro da canle fixeron descender o nivel da auga na presa, permitindo ver con máis detalle o alcance dos danos, que parecen maiores do que semellaba inicialmente.
As fotos son deste mediodía. Vai tamén enlace ao vídeo en youtube (tamén dispoñible en FB a partir das 21:30h) https://www.youtube.com/watch?v=UroOLdlyDOk
