Os bombeiros do parque Comarcal Provincial de Boiro foron alertados ao redor das 23:30 horas da noite de onte, venres 24 de maio, dun incendio nun vehículo estacionado na Rúa 1 Cubeliño, no Concello de Ribeira.
Na chegada ao lugar, un aparcadoiro público situado a carón dun supermercado, os operarios atoparon unha furgoneta isoterma que estaba afectada polo lume na zona do motor e cabina. Ademais, este lume comezaba a empezar a afectar á caixa.
Unha vez extinguido o lume que afectaba ao motor e á cabina, os bombeiros procederon a abrir a caixa de carga facendo uso do equipo de excarcelación para comprobar que, efectivamente, non existía máis lume. Tras o arrefriado, os operarios comprobaron coa cámara térmica o vehículo como último paso antes de dar por rematada a intervención.
Completaron o operativo a Policía Local de Ribeira, a Policía Nacional de Ribeira e o GAEM de Ribeira.
