Os bombeiros do parque Comarcal Provincial de Boiro foron alertados ás 14:51 horas deste mediodía dun incendio nunha vivenda na Rúa Vimieiro, no Concello de Boiro.
A incidencia foi ocasionada por unha tixola ao lume, extinto o fume polos propios inquilinos da vivenda. Foron trasladadas ao centro sanitario por inhalación.
O labor dos bombeiros consistiu na comprobación da vivenda, equipados con ERAS e mediador de gases, cámara térmica e extintor. Ventilaron de forma natural coas fiestras e ventás a vivenda e cortaron os servizos de gas e cadro eléctrico por seguridade.
Completaron o operativo a Policía Local de Boiro, a Garda Civil de Boiro, o 061 e o SMPC de Boiro.
