Home A Coruña Ines Rey reclama da Xunta máis investimentos nos centros públicos e a...

Ines Rey reclama da Xunta máis investimentos nos centros públicos e a cobertura de prazas docentes

- Anuncio -

A alcaldesa da Coruña visitou o CEIP Raquel Camacho trala reforma do seu revestimento levada a cabo con fondos municipais

A alcaldesa da Coruña, Inés Rey, visitou esta mañá as instalacións do CEIP Raquel Camacho, centro público no que vén de rematar a terceira actuación nos últimos anos levada a cabo polo Concello da Coruña para a renovación da súa fachada.

Rey, acompañada polo concelleiro de Educación, Memoria Histórica, Innovación, Industria e Emprego, Jesús Celemín, pola directora do centro, Rosa Mosteiro, pola presidenta da ANPA, Olga Gey, e polo equipo directivo, comprobou en persoa as melloras no revestimento do edificio, que inclúen tamén a substitución das fiestras.

O Concello leva investidos máis de 300.000 euros no Raquel Camacho desde o 2019, dos que 245.000 euros correspóndense cos últimos traballos levados a cabo.

A alcaldesa da Coruña lembrou que só durante o curso 2020-2021 o Concello da Coruña ten investido máis de 500.000 euros en 40 obras levadas a cabo nos centros públicos da cidade, cantidade á que hai que sumar os 300.000 euros en gastos de mantemento nos mesmos centros no que vai de ano. O Concello está xa a tramitar outras 15 actuacións que suman outro medio millón de euros para
acometer diversas melloras.

A rexedora demandou da Xunta unha maior implicación no mantemento e adecuación dos centros educativos da cidade, centros que son na súa maioría de titularidade autonómica e nos que os investimentos do Concello exceden as competencias municipais: “Este Goberno sempre apoiou e apoiará á educación pública, mais pedímoslle á Xunta que faga o mesmo. É preciso non só que asuma os investimentos precisos para que os centros da cidade presten o seu servizo en condicións, senón que é preciso tamén que os dote dos medios humanos necesarios para garantir a calidade educativa e a igualdade de oportunidades”, indicou Rey, que amosou tamén o seu apoio explícito ás demandas das nais, pais, profesores e profesoras dos colexios Ramón de la Sagra, Sagrada Familia, Labaca, Emilia Pardo Bazán e Sanjurjo de Carricarte, centros nos que non se están a cubrir prazas de docentes ou nos que é preciso máis persoal de apoio.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas