Do 1 ao 3 de agosto, a Praza Ramón Juega transformarase nun auténtico porto pirata, con postos de artesanía, gastronomía e actividades para todos os públicos.
O Concello de Laxe prepárase para vivir unha das citas máis esperadas do verán: o XII Mercado Pirata, que terá lugar os días 1, 2 e 3 de agosto na Praza Ramón Juega. Durante tres xornadas, veciñanza e visitantes poderán mergullarse nun ambiente mariñeiro e festivo, rodeados de música, animación, artesanía e boa gastronomía.
O mercado contará con numerosos postos de artesanía e alimentación, ademais de actuacións musicais e espectáculos de animación que sorprenderán a pequenos e maiores. Como broche de ouro, cada noite ás 22:30h celebrarase un impresionante espectáculo de lume, un dos momentos máis esperados da programación.
Horario do mercado:
Venres, 1 de agosto: de 19:00h a 23:00h
Sábado, 2 de agosto, e domingo, 3 de agosto: de 11:00h a 14:30h e de 18:00h a 23:00h
Este evento, organizado por Los Fuelles Eventos e co apoio do Concello de Laxe, converterá a vila nun punto de encontro imprescindible para quen queira gozar dunha experiencia única, chea de diversión e maxia pirata.
📢 O Concello de Laxe convida a toda a cidadanía e visitantes a participar e vivir intensamente esta aventura!
