O prazo para participar comeza o 12 de febreiro, e remata ás 23:59 horas do 21 de febreiro.
Daranse a coñecer os gañadores e gañadoras o día 24 de febreiro.
O Concello de Malpica promove un concurso de Entroido a distancia e través de imaxes e vídeos, que consistirá en compartir en ambos formatos as vestimentas de toda ou todas aquelas persoas que desexen participar no mesmo.
O prazo para enviar as fotografías e os vídeos comeza o 12 de febreiro e remata ás 23:59 horas do 21 de febreiro. Tres días máis tarde darase a coñecer a listaxe de persoas gañadoras.
Haberá tres categorías, a destacar: infantil, para menores de 12 anos; adulta, para maiores de 12 anos e conviventes, para as unidades familiares participantes.
Constituirase un xurado composto por tres persoas para elixir ás gañadoras e gañadores. Os arquivos enviaranse previamente ao enderezo electrónico malpicacultura@gmail.com e, posteriormente, publicaranse na páxina oficial de Facebook do Concello de Malpica.
Por cada categoría, o xurado escollerá tres imaxes e/ou vídeos gañadores.
Categoría Infantil:
• Primeiro Premio: 70 €
• Segundo Premio: 60 €
• Terceiro Premio: 50 €
Categoría Adulta:
• Primeiro Premio: 100 €
• Segundo Premio: 90 €
• Terceiro Premio: 80 €
Categoría Convivintes:
• Primeiro Premio: 200 €
• Segundo Premio: 150 €
• Terceiro Premio: 100 €
Poden consultarse as bases na páxina web do Concello de Malpica.
