test
Home A Coruña Mila Castro confirma o apoio dos socialistas á comisión de estudo da...

Mila Castro confirma o apoio dos socialistas á comisión de estudo da auga convencida en que o resultado será a concesión: “seino eu e sábeo a propia alcaldesa”

- Anuncio -

Acusa ao executivo de Sanmartín de “enredar” e “dilatar os prazos” para “convencer aos seus socios de que o único modelo viable é a concesión”

“Levamos catro anos perdidos por un bloqueo, un ano sen avances co goberno do BNG e agora suma e segue con unha comisión que concluirá o mesmo”

O Grupo Socialista apoiará a creación de unha comisión especial para o estudo do ciclo integral da auga que se someterá á votación do pleno na sesión ordinaria da vindeira semana. Fano, ademais, convencidos de que o resultado do estudo será o modelo da concesión privada que defenderon durante o pasado mandato: “vai validar, porque a realidade é a que é, a posición que nós sempre mantivemos e demostrará que a señora Sanmartín equivocouse hai ano e medio cando bloqueou o novo contrato”.

Así, a edil Mila Castro, insiste en que a conclusión do estudo será a mesma que se detalla no informe que o goberno de Sánchez Bugallo fixera no 2020 e que colocaba a concesión privada como fórmula máis idónea para a xestión da auga en Compostela. O informe, que explicou a socialista durante unha rolda de prensa este venres, detalla que boa parte das canalizacións do municipio chegaron ao final da súa vida útil e cifraba en “arredor de 100 millóns de euros” a inversión a realizar para a renovación e ampliación da rede. Unha cifra que “agora será maior polo efecto da inflación”.

Neste sentido, desde as filas socialistas defenden que o “único necesario chegados a esta altura” sería que o goberno actualizase o estudo económico aos actuais prezos de mercado para sacar a licitación un novo contrato. Isto, despois de que precisamente a oposición bloqueara hai 18 meses este mesmo contrato cando o goberno socialista sometera esta cuestión á consideración do pleno, en contra, lembra Castro, do que “dicían os informes técnicos”: “porque en aquela altura non importaba nin a opinión dos técnicos nin as necesidades da cidade, importaba desgastar ao goberno socialista”.

“O resultado da comisión é sabido. Seino eu e sábeo a alcaldesa”

Castro recalcou durante a súa comparecencia ante os medios que a situación da rede de abastecemento, xa crítica cando os socialistas encargaron o informe no 2020, “foi a peor” con roturas diarias e domicilios sen posibilidade de acceso á rede. Con isto, a edil socialista, adiantou a predisposición do seu grupo para “apoiar a licitación do ciclo integral da auga e traballar para que isto sexa unha realidade a maior brevidade posible”: “somos conscientes e sensibles ante a actual situación”.

Insiste en sinalar que o resultado da comisión “é sabido”: “seino eu e sábeo a propia alcaldesa”. A que fóra responsable de Servizos Básicos no goberno socialista lembrou ademais que o estudo do que se parte en esta comisión, o feito durante a etapa socialista, foi elaborado polo mesmo equipo redactor que o que o fixo para a cidade de Pontevedra, que actualmente aplica o modelo da concesión privada e, precisamente, está gobernado polo BNG.

Castro amosouse a favor de repetir o estudo, tal e como se pactou na negociación de orzamentos, ao tempo que critica que “o que tampouco se pode facer é enredar e intentar repetir o informe tantas veces como faga falta para que diga o que unha quere que diga”.

“O problema é que seguimos perdendo tempo e dilatando os prazos cando sabemos cal vai ser o final” aféalle a edil socialista ao executivo de Sanmartín que só xustifica esta comisión nos intentos do goberno do BNG de “convencer” aos seus socios de goberno: “chegado o momento a todas nos tocará dar explicacións do que fixemos e votamos, e estou segura de que Sanmartín moito lle pesa xa a súa postura cando os socialistas levamos esta cuestión a pleno” concluíu Castro .

Relacionadas

A Escola municipal de teatro infantil de Neda estrea este mércores a comedia “Casa...

0
A escola municipal de teatro infantil de Neda organiza o mércores 26 de xuño, a partir das 19 horas, a súa tradicional Mostra fin...

A Xunta de Goberno dá un novo paso cara á protección do mural pintado...

0
A Xunta de Goberno local acordou esta mañá a aprobación provisional da modificación puntual do Catálogo do Plan especial de protección e rehabilitación da...

Fene propón un verán deportivo para todas as idades

0
Este mércores abre o prazo para inscribirse nos cursiños de verán de kaiak e paddle surf e no campamento lúdico-deportivo Bautismos de mergullo, cursiños de...

O dispositivo de emerxencias da San Xoán realizou 184 asistencias, 45 menos que ano...

0
Os servizos de limpeza viaria levan recollidas 57 toneladas de lixo O dispositivo de máis de 650 persoas encargado de velar pola seguridade en San...

San Sadurniño reivindicará o venres e o sábado a liberdade de ser e sentir

0
O Concello e a Asociación Cultural Brío promoven varias actividades co gallo do 28X, Día Internacional do Orgullo LGTBI+ O 28 de xuño celébrase o...

O Concello presenta un amplo programa de actividades culturais e deportivas para o verán

0
• A XXIII Feira dá Cebola Chata de Miño, a III Feira dá Cultura EnCamiño, cinema ao aire libre, exposicións, concertos ou cursos deportivos...

Publicacións Relacionadas