test
Home A Coruña Miño e Vilarmaior asinan un convenio para dotar de saneamento ás vivendas...

Miño e Vilarmaior asinan un convenio para dotar de saneamento ás vivendas da Tolda, en Bemantes

- Anuncio -

● A obra, que conta cun orzamento de 21.174,04 euros, será financiada nun 75% polo Concello de Miño e o importe restante asumirao Vilarmaior.

● A ampliación da rede de sumidoiros discorre en maior parte polo termo municipal de Vilarmaior e conectarase á rede existente no núcleo de Ou Tres.

● O encontro aproveitouse para referendar a renovación do acordo para compartir técnico de deportes.

O alcalde do Concello de Miño, Manuel Vázquez Faraldo, e o do Concello de Vilarmaior, Carlos Vázquez, asinaron hoxe un convenio de colaboración co obxectivo de dotar de saneamento ás vivendas do núcleo da Tolda, na parroquia miñense de Bemantes e limítrofes co núcleo de Ou Tres de Vilarmaior.

O acordo, selado no salón de plenos da casa do concello de Miño, reflicte que as obras, que contan cun orzamento de 21.174,04 euros, estarán financiadas nun 75% polo Concello de Miño e o importe restante asumirao o Concello de Vilarmaior.

Os traballos consisten na ampliación da rede de saneamento en lugar da Tolda ata a súa conexión coa rede xeral existente no lugar de Ou Tres. Esta ampliación discorre na maior parte do trazado, na AC-160, polo termo municipal de Vilarmaior e prevese instalar a rede de sumidoiros polo bordo interior da beirarrúa, coincidindo co trazado da rede de abastecemento.

Técnico de deportes

O encontro tamén se aproveitou para referendar a renovación do convenio entre os dous municipios para compartir o técnico de Deportes, que está adscrito ao cadro de persoal do Concello de Vilarmaior.
Así, esta persoa prestará os seus servizos os luns, mércores e venres en Miño e os martes, xoves e sábado en Vilarmaior. O convenio especifica que Miño abonará a Vilarmaior o 50% dos custos salariais e de seguridade social do técnico, que ascenden a 17.642 euros.

Relacionadas

A avenida Alcalde Juan Bautista Santos Ramos xa é unha realidade

0
· Sandra Insua descubriu hoxe a nova placa, despois de que se aprobara nun pleno extraordinario a proposta do goberno local. · A rexedora destacou...

Ponteceso iza as súas treis bandeiras azuis nas praias de Balarés, Ermida e Osmo

0
Esta mañá foron izáronse no Concello de Ponteceso as bandeiras azuis correspondentes ás praias de Balarés, Ermida e Osmo.   No acto celebrado en Balarés participaron...

O Grupo Municipal Socialista insta á Xunta a paralizar as obras da senda ciclista...

0
Logo dun encontro coa asociación veciñal de Conxo Aberto aseguran que, logo de comezar as obras, “está demostrando que é unha actuación agresiva que...

Donaya Market abre as súas portas na Coruña

0
● A súa oferta gastronómica, enfocada na cociña asiática, aúna tapas e ramén. ● O local sitúase no centro da cidade na rúa San Andrés...

Un ano de caos e desgoberno en Culleredo: un ano tirado ao lixo

0
A falta de vontade de traballo evidénciase na deficiente prestación de servizos e na absoluta desatención das necesidades veciñais. O goberno municipal segue sen presentar...

Choque frontal na estrada AC-416 á altura do cruce da rúa Olveiras, en Carballo

0
Os bombeiros do parque comarcal provincial de Carballo foron alertados ás 01:39 da madrugada de onte dun accidente de tráfico na estrada AC-418 á...

Publicacións Relacionadas