Home A Coruña Moeche será a capital do queixo artesán na fin de semana do...

Moeche será a capital do queixo artesán na fin de semana do 16 e 17 de marzo

- Anuncio -

O Concello organiza a VI Feira do Queixo, que tamén acollerá a primeira feira estatal de queixarías artesás integradas en QueRed

O Concello de Moeche ten practicamente listo o programa da VI Feira do Queixo, que se celebrará os sábado 16 e o domingo 17 de marzo co obxectivo de poñer en valor este produto e reivindicar o papel do sector leiteiro. Este ano o evento amplíase a dous días para acoller a I Feira de Queixarías Artesás QueRed, organizada en colaboración coa rede estatal que engloba a máis de 300 pequenas produtoras e empresas relacionadas co mundo do queixo. Máis de 40 queixarías xa mostraron o seu interese en acudir á feira que se celebrará en Moeche, reunindo nun mesmo espazo firmas locais e galegas con outras chegadas de distintos puntos de España. O Concello publicou  hoxe mesmo as bases de participación e abriu o prazo de inscrición, que poderá formalizarse até o 27 de febreiro a través da Sede Electrónica municipal.

sábado 16 de marzo dedicarase a actividades sectoriais, como encontros profesionais, accións formativas e presentación tanto da rede como das queixarías integradas en QueRed como entidade enfocada no apoio aos pequenos obradoiros que apostan pola diferenciación e a calidade. Tamén se ofrecerán degustacións e haberá actuacións musicais que ambienten e animen ao mesmo tempo o primeiro día da feira. É importante reseñar que nesta primeira xornada non haberá venda ao público.

domingo 17 de marzo, día grande da VI Feira do Queixo e da I Feira de Queixarías Artesás QueRed, o recinto abrirá ás 10:00h para ofrecerlle propostas a todos os públicos: actividades para a rapazada, showcookings, catas, máis música, postos de artesanía e agroalimentarios e, por suposto, “a oportunidade de probar e mercar unha grande variedade de queixos procedentes de todas as partes do Estado”, avanza a alcaldesa, Beatriz Bascoy.

Ademais, como vén sendo habitual nas feiras do queixo, tamén haberá servizo discrecional do Tren do Queixo con saída e regreso á estación de Ferrol e visitas programadas ao castelo.

A organización da feira supón un reto loxístico para o Concello de Moeche, quen conta coa colaboración da Rede Española de Queixarías de Campo e Artesás xunto cunha achega económica da Deputación da Coruña, así como a axuda doutras entidades.

“O Concello  está traballando man a man coa QueRed, a quen xa lle facilitou unha relación de hospedaxes, tanto do concello de Moeche como limítrofes e da comarca para o aloxamento dos produtores e produtoras que participarán na feira. Ao longo destes últimos meses tamén procuramos apoio loxístico e económico para o desenvolvemento deste encontro estatal que supón unha grande oportunidade para o concello e para dar a coñecer tamén fóra os queixos que se fan aquí”, explica a rexedora.

O prazo de inscrición para os postos que desexen acudir á VI Feira do Queixo de Moeche – I Feira de Queixarías Artesás QueRed permanecerá aberto ata o día 27 de febreiro. A folla de solicitude e as bases de participación poden descargarse nas seguintes ligazóns.

Bases Feira do Queixo (galego)
Bases Feira do Queixo (castellano)
Solicitude (gal/cas)

Relacionadas

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

Concello e movemento asociativo colaboran no programa de actividades “Primavera en Baldaio”

0
Regueifa, música, cine, xogos, charlas e rutas integran unha proposta que se levará a cabo nos centros sociais de Lema e Imende Grazas á colaboración...

O Xeoparque Cabo Ortegal prepárase para o acto central conmemorativo do seu aniversario

0
O acto celebrarase o venres á tarde na Casa da Cultura de Valdoviño, na véspera dunha nova fin de semana de actividades gratuítas abertas...

Augas de Galicia estudará a posibilidade de habilitar un paso peonil pola ponte da...

0
O alcalde e a enxeñeira municipal participaron na xuntanza da comisión de seguimento do convenio asinado entre o organismo autónomo e o ConcelloO alcalde,...

O Dr. Calafiore responderá en Laxe as dúbidas máis comúns sobre patoloxías da próstata...

0
• A charla informativa terá lugar este sábado, 25 de maio, ás 19:00 horas, no Salón de Actos Culturais • Durante a sesión, o profesional...

Luns 27 de maio, día de doar vida en San Sadurniño

0
Doar sangue é un xesto de solidariedade e altruísmo que pode salvar vidas. O lema “doar sangue é doar vida”, utilizado pola Axencia de...

Publicacións Relacionadas