test
Home A Coruña Neda organizará o vindeiro martes no Roxal unha charla sobre compostaxe caseira...

Neda organizará o vindeiro martes no Roxal unha charla sobre compostaxe caseira co apoio de Sogama

- Anuncio -

O Concello entregará na xornada unha nova remesa de composteiros, que a veciñanza aínda pode solicitar

O Concello de Neda organiza o próximo martes, 28 de maio, en colaboración con Sogama, unha charla sobre compostaxe doméstica na pista polideportiva do Roxal. A sesión informativa, que arrincará ás 19.30 horas, aproveitarase para facer entrega dos novos composteiros que se teñan solicitado á administración local.

Na charla, aberta ao conxunto da veciñanza, persoal experto en educación ambiental dará nocións básicas sobre a xestión domiciliaria dos biorresiduos, así como das vantaxes ambientais, económicas e sociais da compostaxe. Esta práctica contribúe a reducir a produción de residuos orgánicos en orixe, propiciando a súa transformación nun abono natural con excelentes propiedades para o solo.
Ademais, cun enfoque eminentemente práctico, no encontro explicarase aos participantes cuestións fundamentais como os distintos materiais que se poden utilizar na elaboración do compost (fundamentalmente residuos da cociña e da horta), como debe realizarse a mestura, ou onde situar o composteiro para facilitar a entrada de microorganismos descompoñedores.

Reparto de composteiros

Tal e como se apuntaba, o Concello de Neda entregará no transcurso da xornada compostadores a aquelas familias da localidade que manifesten a súa vontade de incorporarse ao programa municipal de compostaxe. Ata o propio martes os residentes que dispoñan dunha casa con horta ou xardín, poderán reservar o seu na Casa Consistorial ou ben chamando ao teléfono 981380039 en horario de mañá.
Con esta aposta medioambiental a administración local dá un pequeno para avanzar nunha xestión máis sostible dos residuos e na promoción da economía circular.

Relacionadas

A avenida Alcalde Juan Bautista Santos Ramos xa é unha realidade

0
· Sandra Insua descubriu hoxe a nova placa, despois de que se aprobara nun pleno extraordinario a proposta do goberno local. · A rexedora destacou...

Ponteceso iza as súas treis bandeiras azuis nas praias de Balarés, Ermida e Osmo

0
Esta mañá foron izáronse no Concello de Ponteceso as bandeiras azuis correspondentes ás praias de Balarés, Ermida e Osmo.   No acto celebrado en Balarés participaron...

O Grupo Municipal Socialista insta á Xunta a paralizar as obras da senda ciclista...

0
Logo dun encontro coa asociación veciñal de Conxo Aberto aseguran que, logo de comezar as obras, “está demostrando que é unha actuación agresiva que...

Donaya Market abre as súas portas na Coruña

0
● A súa oferta gastronómica, enfocada na cociña asiática, aúna tapas e ramén. ● O local sitúase no centro da cidade na rúa San Andrés...

Un ano de caos e desgoberno en Culleredo: un ano tirado ao lixo

0
A falta de vontade de traballo evidénciase na deficiente prestación de servizos e na absoluta desatención das necesidades veciñais. O goberno municipal segue sen presentar...

Choque frontal na estrada AC-416 á altura do cruce da rúa Olveiras, en Carballo

0
Os bombeiros do parque comarcal provincial de Carballo foron alertados ás 01:39 da madrugada de onte dun accidente de tráfico na estrada AC-418 á...

Publicacións Relacionadas