Nenos e nenas de infantil do CEIP Heroínas de Sálvora asistiron á visita teatralizada “As heroínas de Sálvora e o Santa Isabel” promovida polo Museo Municipal

Hoxe comezaron as visitas teatralizadas organizadas polo Museo Municipal que se van desenvolver até o mes de xuño (incluído) tratando a temática das Heroínas de Sálvora e do Santa Isabel, a iniciativa vai dirixida ao público infantil no que participarán os diferentes colexios do municipio.
Este ciclo de visitas inaugurouse no día de hoxe coa presenza dos alumnos/as de infantil do CEIP Heroínas de Sálvora de Aguiño que leva precisamente o mesmo nome da exposición a teatralizar. Asistiron tamén a concelleira de Cultura, Antía Alberte e o concelleiro de Mar, Fernando Abraldes.
A concelleira informou que foi unha actividade proposta polo técnico do museo, Miguel Vidal apuntou, “e unha actividade na que están convidadas as escolas do municipio, estamos contactando con elas e incluso de fora para que veñan, todo con reserva previa para avisar a Cipriana para que nos veña a explicar que pasou aquela fatídica noite do 2 de xaneiro do nao 1921”. Antía tamén animou á veciñanza de Ribeira que veña a ver esta exposición permanente e convidou aos familiares que veñan de visita a Ribeira así como a tódala xente que visita a cidade”.
“Comezamos dende as escolas porque pensamos que dende a infancia temos que transmitir eses valores de arraigamento, e nutrilos da historia do noso municipio”.
Para rematar o concelleiro do Mar agradeceu a iniciativa do Museo Municipal e aproveitou para anunciar “que o vindeiro 18 de abril, aquí neste espazo faremos a homenaxe á Muller do Mar no que este ano imos á homenaxear ás redeiras”.
Inscricións para a visitas teatralizadas
Tfno. 981.87.35.95 (en horario de 10:00-13:00h).
Correo-e: museo@ribeira.gal