Os bombeiros do parque Provincial de Boiro foron alertados a primeira hora da tarde de onte dun incendio que afectou a unha vivenda na rúa Castelao, no concello de Outes.
O lume foi orixinado na campá extractora da cociña e provocou danos no teito do inmoble e en numeroso mobiliario. Ademais, tamén afectou en menor medida a outros pisos e ao ascensor do edificio. O operativo despregado consistiu na extinción do lume e na comprobación da seguridade no lugar.
Completaron o operativo a Policía Local de Outes, a Garda Civil de Outes, Protección Civil de Outes e o GES de Noia.
