Home A Coruña O “Brinca vai!” de Paco Nogueiras dá o pistoletazo de saída ao...

O “Brinca vai!” de Paco Nogueiras dá o pistoletazo de saída ao IV Festival Brión Inclúe, no que participaron 70 veciños e veciñas

- Anuncio -

A programación retomarase esta fin de semana coa estrea do espectáculo Inclucontos e a participación por primeira vez de artistas locais como Ruth Cundíns, Art for Dent e a Escola de Pandeiretas

Máis de setenta veciños e veciñas de Brión asistiron ao espectáculo “Brinca vai!” de Paco Nogueiras, que abriu este ano a programación da cuarta edición do festival Brión Inclúe. Unha actuación que tivo lugar o pasado venres, coincidindo coa conmemoración do Día Internacional das persoas con discapacidade.

O coordinador do festival Brión Inclúe, Fran Rei, e o técnico de Cultura de Brión, Alberto Álvarez, foron os encargados de inaugurar oficialmente o festival, “un evento que naceu hai catro anos cun obxectivo fundamental: normalizar e visibilizar a diversidade funcional como unha parte propia da nosa sociedade. E que mellor forma de facelo que a través dunha programación cultural feita por persoas con distintas capacidades”, destacou Alberto Álvarez. Neste sentido, asegurou que “é un pracer para o Concello de Brión ver como este festival se foi facendo un oco na nosa programación cultural, medrando ano a ano e implicando cada vez máis aos axentes do noso pobo”.

De feito, esta edición caracterízase pola participación de artistas e entidades locais (como Ruth Cundíns, a asociación Art for Dent ou a Escola de Pandereteiras de Brión), así como os catro centros educativos do municipio xa que “acadar a plena integración non é posible sen a educación”, sinala o técnico brionés

Pola súa banda, Fran Rei apuntou que “hoxe, máis que falar, é o momento de sentirse orgullosos deste concello onde temos un festival que rompe fronteiras: as da diversidade. É un festival que pouco a pouco vai terminar sendo un referente nacional. Co voso apoio imos facer que o Brión Inclúe sexa cada ano un pouco máis forte”. Neste punto, asegurou que “o programa é brutal. Hoxe abrimos con Paco Nogueiras pero o próximo venres teremos a estrea mundial do espectáculo Inclucontos, de Pedro Brandariz” e destacou a presenza de artistas locais “un espectáculo de xente de Brión para xente de Brión”.

Programación aberta ao público

Toda a programación terá lugar no centro social polivalente de Brión e a asistencia é de balde, previa reserva de entradas en billeteira.concellodebrion.gal.

Venres 10 de decembro.
11:00 horas. Espectáculo Saabor! De Culturactiva Producións para colectivos de diversidade funcional.
18:00 horas. Estrea do espectáculo Inclucontos, de Pedro Brandariz. Coprodución do Festival Brión Inclúe.
19:00 horas. Encontro con Nati Villar, Premio Max de las Artes Escénicas de Carácter Social 2020.

Sábado 11 de decembro.
20:00 horas. Espectáculo El Triciclo, de la Escuela Municipal de Teatro Ricardo Iniesta de Úbeda (Jaén).
21:00 horas. DJ Inclusivo Montxo 6. Sesión de funky, pop e disco.

Domingo 12 de decembro.
12:00 horas. Sesión vermú dinamizada por Pedro Brandariz, coa actuación de Ruth Cundíns, Chungo Pastel e a Escola de Pandeireta de Brión.
Presentación Mari Bárbola de Art for Dent. Proxecto mural.

Brión Inclúe está organizado polo Concello de Brión, xestionado por Culturactiva S. Coop. Galega, subvencionado pola Deputación da Coruña, cofinanciado por Gadis e Froiz e conta coa colaboración de Hotel Balneario Compostela e Restaurante Kratos.

Relacionadas

O parque infantil da Lombiña está dispoñible para uso e desfrute da veciñanza

0
Nesta tarde efectuouse no municipio pobrense a inauguración do parque infantil da Lombiña tralo proceso de rehabilitación ao que foi sometido nos últimos meses,...

O Teatro Colón acollerá este domingo un novo concerto da Banda Municipal de Música...

0
O alacantino Juan Miguel Romero será o director convidado da función, na que se interpretarán cinco pezas de Verdi, Bizet, Ponchielli e Puccini A Banda...

Saen adiante por unanimidade (case) todos os asuntos que se presentaron no primeiro pleno...

0
A corporación aprobou a distribución do POS+, a introdución de novas bonificacións no ICIO e unha declaración institucional demandando da Xunta o reforzo do...

Inés Rey destaca na entrega do Premio Pérez Lugín a capacidade do xornalismo para...

0
A alcaldesa presidiu o acto de entrega do galardón ao fotoxornalista Javier Quintana co seu artigo ‘Los extranjeros’ A alcaldesa da Coruña, Inés Rey, encabezou...

Cen nenas e nenos coñecerán de cerca a vida das focas do Aquarium a...

0
As localidades ofertadas en decembro para estudar e alimentar a estes mamíferos mariños esgotáronse para todas as sesións O Aquarium Finisterrae abre a reserva de...

A Xunta incrementa en máis de 65.000€ o orzamento para a financiación de servizos...

0
— Estas axudas están orientadas na súa maioría á contratación de persoal así como ao financiamento do SAF básico, ao funcionamento das escolas infantís...

Publicacións Relacionadas