· A fonte de San Caetano acolleu a inauguración do itinerario, que se realizou en simultáneo noutros concellos participantes nesta iniciativa.
· Ao acto central en Santiago acudiu o alcalde, José Antonio Santiso, a directora de Augas de Galicia, Teresa Gutiérrez, a subdirectora da Consellería de Sanidade, Inés Mato, e do deputado de Economía, Facenda e Persoal da Deputación da Coruña, Antonio Leira.
Cun acto na fonte de San Caetano (Santiago de Compostela), o Concello de Abegondo deu por concluído o proxecto Life Water Way. A iniciativa, promovida e coordinada por Abegondo con financiamento da Unión Europea, supuxo a creación dunha rede de 28 fontes de auga potable no Camiño Inglés, a primeira das súas características dentro dun itinerario cultural en Europa. A fonte de San Caetano marca, precisamente, o punto final deste roteiro, que conta con outros puntos nos seguintes municipios: Ferrol, Narón, Neda, Fene, Cabanas, Pontedeume, Miño, Paderne, Betanzos, Abegondo, A Coruña, Culleredo, Cambre, Carral, Mesía, Ordes e Oroso.
O acto central de Santiago contou coa presenza do alcalde de Abegondo, José Antonio Santiso, a directora de Augas de Galicia, Teresa Gutiérrez, a subdirectora da Consellería de Sanidade, Inés Mato, do deputado de Economía, Facenda e Persoal da Deputación da Coruña, Antonio Leira, e de representantes do Concello de Santiago de Compostela, do equipo de seguimento do proxecto Life e da Asociación de Concellos do Camiño Inglés. O evento contou tamén coa intervención do Project manager de Life Water Way, Carlos Ameixenda, do director de S.A. de Xestión do Plan Xacobeo, Ildefondo de Cámpaa e de Lucía Garabato, técnica ITG. A iniciativa Life Water Way financiouse con fondos europeos e contou coa colaboración de Augas de Galicia, a Deputación da Coruña e a Reserva de Biosfera Mariñas Coruñesas e Terras do Mandeo ou a Fundación Instituto Tecnolóxico de Galicia.
O orzamento global da intervención ascende a máis de 973.000 euros, dos que os organismos anteriormente citados achegaron case 604.000 euros. O importe restante, uns 370.000 euros, foi financiado con fondos europeos.
Durante a súa intervención, o rexedor de Abegondo puxo en valor o carácter innovador do proxecto, “ co que se buscou primar ou coidado dá auga e darlle servizo non só aos peregrinos que elixen ou Camiño Inglés para chegar a Santiago, senón tamén aos propios veciños e veciñas destes concellos”.
En paralelo ao acto central, os Concellos implicados nesta iniciativa organizaron inauguracións simultáneas nas fontes deste roteiro xacobeo.
Sistema de potabilización de auga
Todas as fontes contan cun innovador sistema de potabilización de auga a través de luz ultravioleta e filtración. Da cifra total, catro destas construcións (de Abegondo, Carral, Ordes e Mesía) aproveitan a auga dos mananciais subterráneos, mentres que nos 24 restantes abastécense da rede de cada municipio.
O proxecto incluíu, así mesmo, o deseño dunhas botellas-termo de aceiro inoxidable e con capacidade para 0,5 litros coas que se busca un dobre obxectivo: por unha banda, colaborar no mantemento da rede de fontes de auga e, polo outro, contribuír na redución do consumo de plásticos contaminantes.