Home A Coruña O Concello abre a tempada de praias cun equipo de salvamento de...

O Concello abre a tempada de praias cun equipo de salvamento de 32 persoas

- Anuncio -

Lémbralle á veciñanza que é obrigatorio levar a máscara nos paseos pola beira do mar e a entrada e saída do areal

Comezan esta semana as obras de construción dunha rampla na praia do Matadoiro co fin de mellorar a accesibilidade

Ante a apertura mañá da tempada de praias, o Concello lémbralle á veciñanza a necesidade de cumprir coas medidas anticovid establecidas polas autoridades sanitarias. Os areais non contarán este ano con arcos de control de capacidades e, por iso, pídeselle á cidadanía a responsabilidade amosada até o de agora. E lembra que é obrigatorio levar a máscara á entrada e saída dos areais e nos paseos pola beira do mar.

Este ano, o equipo de salvamento está formado por 32 persoas. Repártense por Riazor, Orzán, Matadoiro, Santo Amaro, Oza e a Punta de Santa Cristina. Na baía Riazor-Orzán e Matadoiro, traballan 18 socorristas e máis unha persoa coordinadora; en Santo Amaro, 3; nas Lapas, 2; e en Oza e Santa Cristina, 6.

Ademais, as praias de Oza e Riazor contan cunha moto acuática e estará dispoñible unha terceira da empresa, xunto a tres táboas de rescate e ambulancia, soporte vital tipo B, que está na praia en comunicación radiotelefónica co resto do servizo.

Por primeira vez, a cidadanía terá acceso á aplicación móbil Ceus, gratuíta e que permitirá contactar directamente co servizo de salvamento, que poderá xeolocalizar no momento calquera emerxencia. A aplicación informará tamén das correntes e da cor das bandeiras que indican a perigosidade do baño, do índice de raios UVA, das  condicións meteorolóxicas en tempo real e mais dos avisos que dean as/os socorristas en cada areal.

Ademais, volverán estar operativas as duchas, lavapés e aseos e durante o primeiro mes, informadoras/es advertirán das normas anticovid nas entradas dos areais e repartirán cinceiros e bolsiñas para depositar o lixo orgánico e o inorgánico. O Concello recoméndalle ás persoas fumadoras acudan aos puntos habilitados con cinceiros de pé para favorecer a convivencia entre as/os veraneantes. E, por último, a Concellería de Medio Ambiente porá en marcha de novo un programa de educación medioambiental dirixido á cativada.

Relacionadas

Amplíase o prazo para se inscribir no concurso Galeguizando TikTok

0
A Concellaría da Normalización Lingüística da Pobra do Caramiñal, da cal é titular o edil Xabier Santos (BNG), informa de que se amplía o...

As familias dánlle un sobresaliente á escola infantil municipal de San Sadurniño

0
Na de 0 a 1 ano non se rexistrou de momento ningunha matrícula, polo que o Concello podería solicitarlle á Xunta o seu agrupamento...

O Cirkote de Kote Malabar anima o Verán Lúdico de Touro e despide o...

0
Os nenos e nenas do Verán Lúdico de Touro despediron o mes de xullo co Cirkote de Kote Malabar. A rapazada participante no Verán...

Publicada a contratación das obras de ampliación do Complexo Deportivo da Fieiteira en Ribeira...

0
A publicación deste prego na plataforma de contratación coincide coa clasificación da ribeirense Ana Peleteiro para a final de triplo salto dos Xogos Olímpicos...

O Concello destina axudas directas ás axencias de viaxes para a creación de novos...

0
O Consorcio de Turismo asina un convenio de colaboración con AGAVI para potenciar a cidade como destino turístico O concelleiro de Turismo, Juan Ignacio Borrego,...

O Concello peonalizou en dous anos máis de 30.000 metros cadrados

0
A alcaldesa, Inés Rey, visitou a rúa Monte das Moas recentemente reformada na aposta do Concello por unha Coruña máis amable e sostible A alcaldesa,...

Publicacións Relacionadas