• As instalacións pecharon o pasado xoves, día 15 de setembro, para iniciar as labores de substitución
• Agárdase que poda reabrirse ao público no primeiro trimestre de 2023
O Concello de Cerdido vai renovar a máquina de deshumidificación da piscina da área recreativa de O Castro.
As instalacións municipais pecharon ao público o pasado xoves, 15 de setembro, para proceder a iniciar as labores de substitución. Ademais, aproveitando a renovación, procederase a realizar outras tarefas de mantemento e limpeza.
O alcalde, Benigno Galego, quixo incidir en que “é unha labor de renovación bastante complexa debido a que a piscina se atopa no medio do castro. Por este motivo requírese un proceso un pouco máis longo de entrega de documentación e permisos”.
Trátase dunha importante obra civil que conleva, dadas as dimensións da máquina, a retirada da estructura das placas solares e parte do tellado das instalacións, o que require de autorizacións por parte de Patrimonio por atoparse na dita zona.
Galego engadiu que “imos aproveitar este parón na piscina para proceder a realizar diferentes tarefas de mantemento e limpeza, para que cando a nova maquinaria esté lista as instalacións xa se atopen en estado óptimo para o seu uso”.
“Agardamos que a nova máquina de deshumidificación esté instalada e en funcionamento ao longo do primeiro trimestre do 2023, ofrecendo á nosa veciñanza unha instalación mellorada que ofreza un servizo de primeiro nivel” rematou o rexedor.
