Home A Coruña O Concello de Frades subvencionará parte dos gastos en oftalmoloxía, audioloxía ou...

O Concello de Frades subvencionará parte dos gastos en oftalmoloxía, audioloxía ou odontoloxía para os seus maiores

- Anuncio -

Axudas de entre 500 e 2.000 € para a compra de lentes, audífonos e próteses dentais para maiores de 65 anos ou cunha discapacidade superior ao 33% e cuns ingresos inferiores ao 90% do IPREM

O Concello de Frades convoca unhas axudas para gastos oftalmolóxicos, auditivos ou odontolóxicos dirixidas a persoas maiores de 65 anos e/ou que teñan recoñecido un grado de discapacidade igual ou superior ao 33% e cuns ingresos inferiores ao 90% do IPREM (540 euros). Unha convocatoria que hoxe publica o BOP da Coruña, polo que poderán solicitarse entre o 12 de abril e o 12 de xuño nas oficinas do Concello de Frades.

O concelleiro de Sanidade, Manuel Ferreiro, explica que “seguimos o camiño iniciado nos últimos anos en Frades e que nos levou a ser un dos municipios que máis inviste en servizos públicos en Galicia. Consultamos ao persoal dos Servizos Sociais e detectaron que había certa necesidade á hora de adquirir gafas e audífonos, así como á hora de facer algún tratamento odontolóxico, polo que decidimos poñer en marcha este programa de axudas”.

Os requisitos necesarios para poder acceder a estas axudas son: ter máis de 65 anos ou ter en vigor unha discapacidade igual ou superior ao 33%, ter uns ingresos inferiores ao 90% do IPREM por persoa (540 euros neste ano 2024), residir e estar empadroado en Frades cunha antigüidade mínima de 6 meses e precisar de gafas, audífonos, próteses dentais ou implantes. Os importes máximos das axudas serán de ata 500 euros (lentes), ata 2.000 euros (audífonos, cun máximo de 2 unidades), ata 1.500 euros (próteses dentais) e ata 2.000 euros (implante dental).

Ferreiro Marzoa apunta que “a idea é mellorar a calidade de vida das persoas maiores e dependentes con menores recursos económicos, tal e como seguimos facendo con outros programas como o bono taxi, o programa de empréstito de axudas técnicas, o de estimulación cognitiva, o de eliminación de barreiras arquitectónicas ou os xa tradicionais de podoloxía, fisioterapia e perruquería a domicilio, tres programas que levan xa máis dunha década operativos. Neles contamos cunha axuda do Plan Único para a súa posta en marcha o primeiro ano, pero despois é o Concello de Frades quen asume o seu mantemento”.

Informe dos Servizos Sociais

As solicitudes deberán presentarse no rexistro municipal do Concello de Frades coa documentación correspondente, que será estudada e valorada por orde de entrada pola traballadora social municipal, que emitirá un informe no que porá de manifesto se a persoa aspirante cumpre ou non cos requisitos para recibir a prestación. A persoas beneficiaria terá que xustificar a axudas mediante a presentacións das correspondentes facturas orixinais.

A documentación precisa é: DNI de todos as persoas da unidade de convivencia, xustificante de ingresos de toda a unidade de convivencia, extracto bancario das entidades nas que confiasen as contas ou depósitos sobre os movementos bancarios existentes nos 3 meses anteriores á solicitude da axuda, certificado do grado de discapacidade (se é o caso), orzamento do gasto para o que solicita a axuda e certificado de conta bancaria.

No ano 2023, o Concello de Frades creou un servizo gratuíto de estimulación cognitiva a domicilio para persoas con demencia ou enfermidades neurodexenerativas, que se uniu aos programas de préstamo de axudas técnicas para a mobilidade, de eliminación de barreiras arquitectónicas nas vivendas e de bono-taxi para desprazamentos de balde a centros sanitarios do Sergas postos en marcha no 2022 a través de cadanseu acordo coa Farmacia Ortopedia Pájaro Lago (Ordes) e co taxista local Juan Carlos Andrade Gómez, respectivamente. A maiores, o Concello de Frades oferta tamén os clásicos servizos de teleasistencia e axuda no fogar, así como os programas de podoloxía, fisioterapia e perruquería a domicilio, que levan once anos funcionando.

Relacionadas

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

Concello e movemento asociativo colaboran no programa de actividades “Primavera en Baldaio”

0
Regueifa, música, cine, xogos, charlas e rutas integran unha proposta que se levará a cabo nos centros sociais de Lema e Imende Grazas á colaboración...

O Xeoparque Cabo Ortegal prepárase para o acto central conmemorativo do seu aniversario

0
O acto celebrarase o venres á tarde na Casa da Cultura de Valdoviño, na véspera dunha nova fin de semana de actividades gratuítas abertas...

Augas de Galicia estudará a posibilidade de habilitar un paso peonil pola ponte da...

0
O alcalde e a enxeñeira municipal participaron na xuntanza da comisión de seguimento do convenio asinado entre o organismo autónomo e o ConcelloO alcalde,...

O Dr. Calafiore responderá en Laxe as dúbidas máis comúns sobre patoloxías da próstata...

0
• A charla informativa terá lugar este sábado, 25 de maio, ás 19:00 horas, no Salón de Actos Culturais • Durante a sesión, o profesional...

Luns 27 de maio, día de doar vida en San Sadurniño

0
Doar sangue é un xesto de solidariedade e altruísmo que pode salvar vidas. O lema “doar sangue é doar vida”, utilizado pola Axencia de...

Publicacións Relacionadas