test
Home A Coruña O Concello de Lousame inaugura unha mostra sobre a vida e obra...

O Concello de Lousame inaugura unha mostra sobre a vida e obra de Zernadas de Castro

- Anuncio -

Medio cento de persoas asistiron á tradicional ofrenda floral ante o busto do escritor no adro da igrexa de Fruíme

O Concello de Lousame aproveitou a tradicional ofrenda floral a Diego Antonio Zernadas de Castro para inaugurar unha exposición sobre a súa vida e obra coa que volve reivindicar que se dedique un Día das Letras Galegas ao cura de Fruíme. Medio cento de persoas acompañaron esta mañá á concelleira de Cultura, Silvia Agrafojo, durante os actos conmemorativos que tiveron lugar este mediodía no adro da Igrexa de Fruíme.

Uns actos, organizados polo Concello de Lousame e a Asociación de Veciños Cernadas de Castro de Fruíme, que comezaron cunha serie de obradoiros culturais para os nenos e nenas da parroquia. A iso das 13:00 horas, unha ducia de nenos e nenas deron lectura dunha serie de poemas e dous deles protagonizaron a ofrenda floral diante do busto de Zernadas de Castro. Un acto no que rematou cunha actuación musical da Asociación Cultural O Son do Pote, cun anaquiño de rosca cortesía da AAVV Cernadas de Castro.

A exposición consta dunha serie de paneis informativos que reivindican a figura de Diego Antonio Zernadas de Castro (1702-1777) como “o primeiro precursor do galeguismo”, como defendeu Silvia Agrafojo, quen lembrou que “en plenos Séculos Escuros, a duras penas cóntanse cos dedos dunha man os sabios ilustrados de calquera campo que floreceron no noso pais: Frei Martín Sarmiento, o Pai Feijóo, Zernadas, José Cornide e pouco máis”.

Exposición

De feito, na exposición lémbrase que Zernadas foi un precursor do Galeguismo porque a defensa de Galicia palpita con paixón en boa parte dos seus escritos, tanto en prosa como en verso, nos que ademais de describir con amor e realismo a situación da Galicia do seu tempo, sae en defensa da súa terra contra os prexuízos, malentendidos e erros que adoitaban ter as persoas e colectivos daquela época, especialmente na Corte Española.

A mostra salienta que Zernadas foi un namorado orgulloso da súa terra, defensor sen concesión da súa cultura ultraxada un século antes de Murguía, Rosalía, Pondal ou Curros. E todo iso dende unha aldea afastada na que non descoidou a atención aos seus fregueses, a quen non so axudaba desde o púlpito ou o confesionario, senón tamén suando na leira, pois el foi quen introduciu o cultivo do millo en Fruíme e ensinou aos seus habitantes a cultivalo.

Relacionadas

A Escola municipal de teatro infantil de Neda estrea este mércores a comedia “Casa...

0
A escola municipal de teatro infantil de Neda organiza o mércores 26 de xuño, a partir das 19 horas, a súa tradicional Mostra fin...

A Xunta de Goberno dá un novo paso cara á protección do mural pintado...

0
A Xunta de Goberno local acordou esta mañá a aprobación provisional da modificación puntual do Catálogo do Plan especial de protección e rehabilitación da...

Fene propón un verán deportivo para todas as idades

0
Este mércores abre o prazo para inscribirse nos cursiños de verán de kaiak e paddle surf e no campamento lúdico-deportivo Bautismos de mergullo, cursiños de...

O dispositivo de emerxencias da San Xoán realizou 184 asistencias, 45 menos que ano...

0
Os servizos de limpeza viaria levan recollidas 57 toneladas de lixo O dispositivo de máis de 650 persoas encargado de velar pola seguridade en San...

San Sadurniño reivindicará o venres e o sábado a liberdade de ser e sentir

0
O Concello e a Asociación Cultural Brío promoven varias actividades co gallo do 28X, Día Internacional do Orgullo LGTBI+ O 28 de xuño celébrase o...

O Concello presenta un amplo programa de actividades culturais e deportivas para o verán

0
• A XXIII Feira dá Cebola Chata de Miño, a III Feira dá Cultura EnCamiño, cinema ao aire libre, exposicións, concertos ou cursos deportivos...

Publicacións Relacionadas