O Concello de Miño celebrará o Día de Rosalía, conmemorado o 23 de febreiro, cunha actividade de colaxe dedicada á figura da escritora e ao seu contexto vital e literario. A proposta desenvolverase ese mesmo día, coincidindo co aniversario do nacemento da autora, e terá lugar no Centro Social dá Rúa, en horario de 17:30 a 19:30 horas.
A iniciativa busca achegar ao público a técnica da colaxe manual desde unha perspectiva lúdica e creativa, explorando a súa capacidade expresiva a través da obra e vida da escritora. Trátase dun taller pensado para fomentar a participación e a creatividade, sen necesidade de ter experiencia previa.
A actividade está dirixida a persoas de todas as idades, aínda que as menores de 10 anos deberán asistir acompañadas dunha persoa adulta.
As prazas son limitadas. As inscricións pódense realizar no SNL do Concello de Miño ou no teléfono 981 782 006.
