Home A Coruña O Concello organiza unha lectura pública de textos de Florencio Delgado Gurriarán...

O Concello organiza unha lectura pública de textos de Florencio Delgado Gurriarán polo Día das Letras Galegas

- Anuncio -

Inés Rey dará inicio, ás 12.00 horas na praza de María Pita, ás lecturas, nas que participarán tamén os cidadáns que así o desexen

Este martes, con motivo da celebración do Día das Letras Galegas, o Concello da Coruña organiza unha lectura pública de textos de Florencio Delgado Gurriarán. No acto, que terá lugar na praza de María Pita, participará a alcaldesa Inés Rey, que fará a primeira lectura.

A homenaxe comezará ás 11.45 horas, coa actuación do grupo musical da asociación Xacarandaina ‘Os do fondo da barra’. Ás 12.00 horas comezará a lectura de diferentes textos do autor homenaxeado deste ano. A primeira quenda será para a alcaldesa e tamén participarán as persoas que así o desexen, e outros membros da Corporación municipal.

Tras o acto volverá a actuar Xacarandaina para pechar a homenaxe.

Este martes haberá outras actuacións na cidade. Ás 12.00 horas, na rúa Barcelona, actuará a asociación cultural Pandereteiras sen Fronteiras. Tamén ás 12.00, a asociación cultural Maghua actuará na praza de Jaspe Deza, en San Vicente de Elviña. Ás 12.30 horas, a agrupación folcrórica Aturuxo ofrecerá un espectáculo de rúa desde os xardíns de Méndez Núñez á praza de Vigo. Pola tarde, ás 18.00 horas, haberá actuacións de Os Gaiteiriños (A Gaiteira) e Eidos (de María Pita á praza de Lugo). Ás 18.30 horas será a quenda de Son d’aquí, que irán do Campo de Marte ao Campo da Leña. Ás 20.00 horas, pecharán a xornada Cántigas da Terra na praza de María Pita e Donaire entre a praza de Lugo e María Pita.

Actividades ata o 31 de maio
A programación do Concello da Coruña polo Día das Letras Galegas continuará ata o 31 de maio con numerosas propostas de actividades gratuítas. O xoves 19, o Teatro Colón abrirá as súas portas a un concerto especial da Banda Municipal de Música da Coruña (BMMC) con motivo do Día das Letras. Juan Lois Diéguez será o director convidado que leve a batuta na presentación de ‘Paseo con aires ártabros’.

A axenda continuará o sábado 21. O servizo municipal de Normalización Lingüística levará a cabo unha nova quenda dos percorridos ‘Paseos pola Coruña literaria’. Será ás 12.00 horas, con Susana S. Aríns á fronte de ‘Paseo imaxinario pola vida e obra de Luz Garza’. A actividade, recomendada para maiores de 16 anos, abrirá o prazo de inscrición este luns 17, con 55 prazas dispoñibles. Os interesados en inscribirse deberán remitir os seus datos persoais ao correo electrónico inscricionslingua@coruna.gal.

Tamén o día 21, ás 21.00 horas, terá lugar o peche da primeira edición do Festival Primaletras. O grupo de folk coruñés Luar na Lubre, gañador de dous discos de ouro na súa traxectoria, despedirá o certame cultural-literario interpretando os seus temas máis coñecidos. A asistencia será de balde, mais será precisa a recollida previa de convite nas bibliotecas municipais. A información completa pode consultarse aquí.

Xa o martes 24, tamén no centro sociocultural Ágora, os máis pequenos poderán gozar co espectáculo teatral infantil ‘Brincadeiras da lingua’, interpretado pola compañía Migallas Teatro. Será en dúas quendas, ás 17.00 e 18.30 horas. As dúas funcións tamén serán de balde e con inscrición previa. A información completa pode consultarse aquí.

No tramo final de maio, o sábado 28, o servizo municipal de Normalización Lingüística impulsa a última quenda do mes do percorrido ‘Paseos pola Coruña literaria’, con Marilar Aleixandre. O prazo de inscrición abrirase o vindeiro luns 23.

O peche á programación de actos promovidos polo Concello no contexto do Día das Letras Galegas 2022 terá lugar o día 31 de maio, cunha nova xornada de espectáculo teatral para nenas e nenos no que María Faltri e Jorge Juncal, dentro do programa Apego, achegaranse á rapazada con ‘Soñando inventei’. Será en dúas quendas de balde e con inscrición previa, ás 17.00 e 18.30 horas. A información completa pode consultarse aquí.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas