Home A Coruña O Concello sacará a licitación a parcela para a construción e explotación...

O Concello sacará a licitación a parcela para a construción e explotación dun supermercado ou centro comercial en Costa Miño

- Anuncio -

• En Xunta de Goberno Local aprobouse o expediente para a constitución e adxudicación dun dereito de superficie sobre a parcela e nos próximos días procederase á licitación.

• O canon para a adxudicación deste dereito é de 36.000 euros anuais.

• A parcela conta con 3.511,98 metros cadrados, a edificación poderá constar de soto + baixo + primeira planta e contémplanse 68 prazas de aparcamento.

O Concello de Miño aprobou hoxe en Xunta de Goberno Local a proposta para levar nos próximos días a licitación pública a parcela da súa propiedade para a construción e explotación dun supermercado ou centro comercial na urbanización Costa Miño.

Así, queda validado o expediente para a constitución e adxudicación dun dereito de superficie sobre a parcela para a construción e explotación dun centro comercial ou supermercado, coa aprobación da memoria xustificativa, do prego de prescricións técnicas e de cláusulas administrativas particulares.
Nos próximos días procederase a licitar o citado dereito de superficie da parcela, que conta con 3.511,98 metros cadrados, nos que se poderá levantar unha edificación con soto + baixo + primeira planta e para a que se contemplan 68 prazas de aparcamento. O canon que se solicitará para a adxudicación deste dereito é de 36.000 euros anuais.

O alcalde de Miño, Manuel Vázquez Faraldo, explicou que “a demandada instalación comercial para a urbanización pronto será unha realidade, cubrindo así as carencias que existen nesta zona en canto á existencia de puntos de venda de alimentación”. “Este novo servizo contribuirá a consolidar ou enorme crecemento e transformación que se está a vivir en Costa Miño nos últimos anos e tamén a dinamizar a economía local e a crear postos de traballo”, afirmou.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas