Home A Coruña O Partido Popular de Oleiros critica a implantación da zona ora no...

O Partido Popular de Oleiros critica a implantación da zona ora no concello

- Anuncio -

POLA SÚA BANDA, O ALCALDE TEN RESTRINXIDO POR DOUS SITIOS O ACCESO DE VEHÍCULOS Á SÚA RÚA E GARANTIDA A PRAZA DE APARCAMENTO DIANTE DA SÚA CASA

LOLI SILVA DENUNCIA O “ESQUECEMENTO” DO GOBERNO MUNICIPAL EN CANTO A OFRECER ALTERNATIVAS Ou MELLORAS PARA O APARCAMENTO Aos VECIÑOS E ESIXE Ao CONCELLO QUE IMPLEMENTE A TARXETA PARA RESIDENTES

Desde o día 1 de xuño e ata o 15 de setembro, os 7 días da semana, en horario de 12 da mañá ata as 8 da tarde, todos os usuarios terán que abonar unha tarifa que pode chegar a supoñer 150€ de custo mensual a cada veciño que faga uso das prazas marcadas en cor azul, durante o horario diúrno.

Desde o Partido Popular cremos que este novo despropósito é unha mostra máis da posta en marcha dun Plan Xeral cheo de deficiencias, que o concello non foi capaz de desenvolver en paralelo os servizos e infraestruturas básicos, co aumento da poboación de Oleiros que se rexistra ano tras ano. Actualmente Oleiros presenta unha carencia importante de prazas de aparcamento. Carencia que se ve agravada coa época estival. E esta medida de implantar ÓRAA, lonxe de achegar solución algunha, vén profundar no problema, sen ofrecer alternativa e prexudicando directamente aos veciños que pagan os seus impostos no concello.

A este respecto, Loli Silva manifestou, “Carece de sentido que se poida dar esta situación de discriminación para os nosos veciños. De feito, o noso programa electoral recollía claramente o establecemento de zonas de aparcamento para residentes ou medidas para aplicar descontos directos nos parquímetros aos propios oleirenses. Desde o Partido Popular esiximos ao concello que implemente unha tarxeta para residentes.”

A medida causou numerosas queixas entre os usuarios, que así expresaron a súa indignación nas redes sociais oficiais do concello e que non entenden que teñan que pagar por algo que ata o de agora non tiñan obrigación, sen que o feito de tributar neste concello repórtelles vantaxe algunha.

Con relación a este asunto, Loli Silva declarou “Non pasaron aínda catro días das eleccións municipais e o alcalde parece empeñado en poñerllo difícil aos veciños de Oleiros.

Demostra, unha vez máis, que hai cidadáns de primeira e de segunda. E el atópase entre os de primeira categoría. Mentres os veciños de Oleiros ven obrigados a pagar por aparcar nesta situación cun claro déficit de prazas de aparcamento, o alcalde non ten ese problema, xa que desde hai tempo na súa rúa figura un sinal de Circulación Prohibida salvo residentes.”

“O anuncio do concello sobre a implantación de ÓRAA en época estival é unha mostra máis da incongruencia do goberno municipal: defende a implantación de ÓRAA como unha medida disuasoria para o uso do vehículo privado e estimular o transporte público e, á vez, négase a abonar a débeda coa concesionaria para que a liña 1A de o bus da Coruña chegue ata Santa Cristina, privando aos cidadáns dun servizo que demostrou a súa utilidade pública e un volume considerable de usuarios”, manifestou Loli Silva.

“Aínda por riba, o pasado luns iniciáronse as obras de reforma do centro urbano de Santa Cruz, en concreto nas rúas Cubeiro e Castelao, que obrigarán de novo a reducir prazas de aparcamento e que terán unha duración prevista de dous meses, co que nos podemos facer unha idea dos problemas para os veciños durante todo o verán, xunto coas obras do Sol e Mar e a escaseza de prazas de aparcamento. Espérannos uns meses complicados.”, engadiu Loli Silva.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas