** A denuncia levará ao Parlamento, para coñecer a razón do deixamento por parte do concello cos 50 menores cambreses afectados e as súas familias.
Desde hai meses, o Partido Popular de Cambre leva denunciando o abandono do Servizo de Atención Temperá no seu municipio. Servizo cuxa competencia na xestión foi asumida polo goberno bipartito de Cambre, que omitiu licitar o contrato do servizo e non o comunicou á Consellería de Política Social e Xuventude, da Xunta de Galicia, de quen recibe a subvención, impedindo con iso avaliar outras posibles solucións.
Para os Populares, resulta incomprensible que o Concello de Cambre reciba fondos da Consellería e non poña en marcha o servizo de maneira inmediata, que afecta a 50 menores entre 0 a 6 anos, servizo vital que ten como obxectivo dar resposta, canto antes, ás necesidades transitorias ou permanentes que presentan os menores con problemas de desenvolvemento ou risco de padecelos, nuns anos craves para o seu crecemento.
Ante esta situación de neglixencia, que deixa desamparados aos menores e as súas familias, o Partido Popular levará ao Parlamento de Galicia e ao Pleno de Cambre esta situación, paracoñecer a razón do deixamento nas súas funcións do goberno municipal de Unión por Cambre e do Partido Socialista.
Os populares de Cambre solicitaron en numerosas ocasións ao goberno municipal a súa inmediata intervención, así como o cesamento do concelleiro de Sanidade e Educación, o socialista Miguel Ángel Gutiérrez, por deixamento de funcións que son da súa competencia, ao non ter este servizo en funcionamento para dar unha rápida e eficaz resposta ás familias afectadas, que levan case un ano esperando a ser atendidas.
