· Con este investimento están realizándose, ou xa se executaron, un total de 12 actuacións.
Pouco a pouco a xestión económica que está a levar a cabo o Concello de Camariñas está a dar os seus froitos. O último exemplo da recuperación que están a vivir as arcas municipais é o uso de 205.665,48 euros do remanente de tesourería para facer unha serie de obras antes de que remate o ano 2024.
Con este investimento están realizándose, ou nalgúns casos xa se executaron e remataron, un total de 12 actuacións en diferentes puntos do municipio.
En canto á mellora da seguridade viaria inclúese a pavimentación da contorna da capela de Santa Mariña, a renovación do pavimento en Tilleiro, en Mourín, en Arou, na rúa peonil Muíño do Vento e na Ronda do Vento.
Na mellora de equipamentos a substitución do chan dos parques infantís de Campo da Area, en Camelle, e de Ponte do Porto; a renovación da dársena, a estrutura de madeira de Area da Vila ou a corrección do impacto paisaxístico do lavadoiro Río do Prado.
Entre estes 12 proxectos financiados a través do remanente tamén se inclúe a compra de terreo ao carón do cemiterio de Xaviña.
