Home A Coruña O servizo "Coidados porta a porta" ofrecerá a finais de mes revisións...

O servizo “Coidados porta a porta” ofrecerá a finais de mes revisións gratuítas de podoloxía, audición e memoria

- Anuncio -

A unidade móbil permanecerá en San Valentín os días 25, 26, 27 e 30 de maio atendendo desde as 9:00h ata as 20:00h

O servizo diríxese a persoas maiores de 55 anos, que deberán solicitar cita nos teléfonos 622 748 283 – 623 546 992 ou no correo electrónico coidadosportaaporta.politicasocial@xunta.gal.

A Consellaría de Política Social ten en marcha desde o pasado mes de marzo o programa de Coidados porta a porta, consistente no despregamento polo rural galego de 8 unidades móbiles preparadas para ofrecer consultas básicas en podoloxía, audioloxía e estimulación da memoria. Dentro do seu calendario, unha destas unidades -que son algo así como unha pequena clínica sobre rodas- estará no paseo de San Valentín os días 25, 26, 27 e 30 de maio atendendo totalmente de balde entre as 9:00h e as 20:00h. Todas aquelas persoas de 55 anos en diante que queiran acudir ás revisións dos pés, o oído e a memoria, poden solicitar cita previa nos teléfonos 622 748 283 – 623 546 992 ou no correo electrónico coidadosportaaporta.politicasocial@xunta.gal.

Os servizos que se prestan de maneira gratuíta nas unidades móbiles teñen unha finalidade máis ben preventiva e de detección de problemas que quizais non se lle comunicaron ao médico ou médica de cabeceira e que, de iren a peor, poderían derivar en problemas de saúde máis graves ou resultar nunha situación de dependencia.

No caso da consulta podolóxica, o persoal fará un corte e limpeza das uñas, ademais de eliminar durezas, calos e helomas. Porén, se cadra un dos servizos máis importantes é o da revisión do estado xeral do pé, coa finalidade de atopar sinais de alerta -case sempre relacionados coa circulación ou a diabete- que poidan ter unha cura difícil se non se tratan a tempo.

Por outra banda, o servizo tamén revisará a audición por medio dunha exploración do oído e facendo audiometrías que confirmen ou desboten calquera perda neste sentido. Ademais tamén se darán consellos para previr no posible a perda auditiva, cuxo principal efecto negativo é a dificultade para interactuar e socializar plenamente con quen nos rodean.

O terceiro servizo que atoparemos na unidade móbil de Coidados porta a porta refírese á memoria. Faranse sinxelos exercicios de estimulación cognitiva e funcional que lles darán ás profesionais deste servizo itinerante pistas clave para ver se hai algún proceso incipiente de deterioramento. Un deterioramento que non necesariamente ten por que ser sinónimo de Alzhéimer e que en moitos casos se pode ralentizar e incluso reverterse exercitando a cabeza, facendo exercicio, xogando e facendo máis vida social.

O servizo Coidados porta a porta estará en San Valentín os días 25, 26, 27 e 30 de maio. A unidade móbil atenderá eses catro días entre as 9:00 e as 20:00h totalmente gratis e con cita previa, que debe solicitarse nos teléfonos 622 748 283 – 623 546 992 ou no correo electrónico coidadosportaaporta.politicasocial@xunta.gal.

Trátase dunha iniciativa de Política Social dirixida a persoas maiores de 55 anos que botou a andar o pasado mes de marzo por todos os concellos rurais galegos, financiada con fondos Next Generation do Plan de Recuperación Transformación e Resiliencia.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas